U Mjanmie z-za ziemlatrusu navat na miesiac spyniajuć hramadzianskuju vajnu
Paśla taho, jak niekalki viadučych hrup paŭstancaŭ, jakija zmahajucca z chuntaj u Mjanmie, uziali miesiačnuju paŭzu ŭ vajennych dziejańniach, vajskoŭcy, jakija 4 hady tamu zachapili ŭładu ŭ hetaj krainie, abviaścili ab spynieńni ahniu da 22 krasavika — dla dapamohi ŭ likvidacyi nastupstvaŭ ziemlatrusu, piša Euronews.
Vajskovaja chunta ŭ Mjanmie abviaściła pra časovaje spynieńnie ahniu ŭ hramadzianskaj vajnie, kab palehčyć akazańnie dapamohi paciarpiełym ad razburalnaha ziemlatrusu mahnitudaj 7,7, jaki zabraŭ žyćci bolš za 3 000 čałaviek.
Pra pieramirje «ŭ znak spahady» da achviar ziemlatrusu, jaki adbyŭsia ŭ minułuju piatnicu, było abvieščana ŭ sieradu ŭviečary pa dziaržaŭnym telebačańni MRTV. U paviedamleńni havorycca, što paŭza ŭ vajennych dziejańniach praciahniecca da 22 krasavika.
Aficyjnyja mjanmanskija ŚMI śćviardžajuć, što faktyčny kiraŭnik dziaržavy, hienierał Min Aun Chłajn, prymie ŭdzieł u rehijanalnym samicie ŭ Tajłandzie 3-4 krasavika, kab abmierkavać miery reahavańnia na ziemlatrus.
Raniej pra miesiačnaje pieramirji abviaścili viadučyja hrupy paŭstancaŭ, jakija vystupajuć na baku «ŭrada nacyjanalnaha adzinstva», zrynutaha ŭ chodzie vajskovaha pieravarotu 1 lutaha 2021 hoda.
2 krasavika telekanał MRTV paviedamiŭ, što kolkaść zahinułych u Mjanmie ŭzrasła da 3 003 čałaviek, bolš za 4 500 čałaviek atrymali ranieńni. Pavodle nieaficyjnych źviestak, ličby značna vyšejšyja.
Ułady susiedniaha Tajłanda, jaki taksama paciarpieŭ ad ziemlatrusu, zajavili, što ŭ ich zahinuli prynamsi 22 čałavieki.
Ad BNF da HRU. Chto takaja Natalla Sudlankova, jakoj čechi zahadali pakinuć krainu27
Kamientary