Tramp moža admovicca ad kamunikacyi z Pucinym da zhody Rasii spynić ahoń va Ukrainie
Da hetaha prezidžnt ZŠA zajaŭlaŭ, što płanuje pravieści čarhovuju telefonnuju razmovu z prezidentam Rasii na hetym tydni.
Najbližejšaje atačeńnie prezidenta ZŠA Donalda Trampa paraiła jamu nie telefanavać prezidentu RF Uładzimiru Pucinu, pakul toj nie pahodzicca na poŭnaje spynieńnie ahniu va Ukrainie, paviedamili NBC krynicy ŭ Biełym domie.
Da hetaha Tramp zajaŭlaŭ, što płanuje pravieści čarhovuju telefonnuju razmovu z Pucinym na hetym tydni. Adnak pradstaŭniki administracyi prezidenta pasprabavali pierakanać jaho ŭ tym, što na dadzieny momant «zvanok — nie najlepšaja ideja». Pavodle słoŭ surazmoŭcaŭ telekanała, novaja telefonnaja razmova Trampa z Pucinym pakul nie płanujecca.
Paśla viartańnia Trampa ŭ Bieły dom jon dvojčy zvaniŭ Pucinu — 12 lutaha i 18 sakavika. Druhaja razmova była pryśviečanaja ŭrehulavańniu vajennaha kanfliktu va Ukrainie. Pa jaje vynikach Kreml paviedamiŭ, što Pucin pahadziŭsia na prapanovu Trampa na 30 dzion admovicca ad udaraŭ pa abjektach enierhietyčnaj infrastruktury. U Kijevie taksama padtrymali inicyjatyvu, adnak ataki praciahnulisia z abodvuch bakoŭ.
Kamientary