Supracoŭniki litoŭskaj mytni jašče 16 sakavika na prapusknym punkcie ŭ Salečnikach zatrymali carkoŭny zvon, jaki kantrabandaj pieravoziŭ u Biełaruś hramadzianin Małdovy.
 Unačy z 15 na 16 sakavika, praź niekalki chvilin paśla poŭnačy, da mytnaha pasta ŭ Salečnikach na aŭtamabili Mercedes Sprinter prybyŭ hramadzianin Małdovy, jaki vusna zajaviŭ mytnikam, što nie pieravozić ničoha zabaronienaha abo abaviazkovaha dla dekłaravańnia. Adnak pry ahladzie transpartnaha srodku mytniki vyjavili niečakanuju znachodku — schavany pad miachami carkoŭny zvon.
Ciapier śpiecyjalisty litoŭskaha Departamienta achovy kulturnaj spadčyny aceńvajuć, ci nie źjaŭlajecca hety zvon vahoj 260 kh abjektam kulturnaj spadčyny. Taksama jość padazreńni, što jon moh być vykradzieny z terytoryi Ukrainy. Zhodna z nadpisami na zvonie, jon, mahčyma, byŭ adlity ŭ honar śviatoha XVII stahodździa — mitrapalita Kijeŭskaha i ŭsioj Rusi Piatra Mahiły. |
Kamientary
on zaržał
i ušieł v niesoznanku