U «Jedastaŭcy» znajšli bulbu pa 10 rubloŭ za kiłahram. U kramie ŭsio tłumačać kanjunkturaj rynku
Adbornyja kłubni pa kaśmičnaj canie možna zamović z dastaŭkaj na dom.
U anłajn-hipiermarkiecie «Jedastaŭka» źjaviłasia bulba dla vielmi bahatych ludziej. Mytuju bulbu ź Izraila pradajuć pa 9,99 rubla za kiłahram. Pry hetym nabyć daviadziecca bolš: harodninu fasujuć pa 2,5 kiło.
U apisańni tavaru havorycca, što heta «adbornyja kłubni, ačyščanyja ad ziamli». Krama abiacaje, što na hatavańnie takoj bulby sydzie značna mienš času: jaje treba tolki spałasnuć i ačyścić, a možna i advaryć u šałupinie. Hety bulba padychodzić dla sałataŭ, supoŭ, piure, zapiakanak. A vyraščana jana na adkrytym hruncie.
Adzin z kamientataraŭ adznačyŭ, što bulba, viadoma, dobraja, ale zanadta darahaja. U «Jedastaŭcy» jamu patłumačyli, što košt farmujecca, śledujučy kanjunktury rynku.
Darečy, u toj ža anłajn-kramie mytaja biełaruskaja bulba kaštuje amal u dva razy tańniej — pa 5,39 rubla za kiłahram. U mahiloŭskim «Pierakryžavańni» anałahičnaja 5-kiłahramovaja fasoŭka kaštuje 3,69 rubla za kiło, zaznačyŭ «Telehraf».
Mytuju biełaruskuju ŭ «Hipa» pradajuć pa canie ad 2,74 da 4,49 rubla za kiło ŭ zaležnaści ad fasoŭki. Ale jość nie ŭsiudy.
Green i «Susiedzi» ŭ svaich siervisach dastaŭki prapanujuć mytuju biełaruskuju tolki ŭ kiłahramovaj fasoŭcy, ale i tam cana 4,29 rubla.
Zvyčajnaja «charčovaja» bulba, to bok nie mytaja, u dastaŭcy ad «Jeŭraopta» časam možna sustreć pa paŭtara rubla. Ale jaje najaŭnaść mocna zaležyć ad rehijona — u Homieli, naprykład, niama, a ŭ Breście jość.
Ciapier čytajuć
Łukašenka zajaviŭ pra hatoŭnaść pryjechać u Kijeŭ7
Kamientary
Śviekła mytaja 5.99
Łuk 4.21
Kapusta biełokočannaja 4.31
Kapusta krasnaja 5.99
Kapusta ćvietnaja 13.99
Bakłažan 14.49
Kabačok 16.99
Riedis 20.99