Сярод беларускіх школьнікаў часам праводзяць апытанні, каб зразумець іх густы ў ежы.
«Па выніках апытання ўвялі ў вясновы рацыён плоў і бульбяную бабку. З’явілася такая крупа, як булгур, усе стравы гатуем на карысным рапсавым алеі. Блінчыкі падаем з шакаладным соусам. Яго рэцэптуру спецыяльна для дзіцячага харчавання распрацаваў пастаўшчык. А яшчэ прапануем дзецям таматны соус «Казка». У ім няма ніводнага забароненага інгрэдыента. Ён выдатна дапаўняе пельмені і карыстаецца попытам. Можна назваць яго карысным кетчупам», — расказала «Мінск-Навінам» дырэктарка Камбіната школьнага харчавання Людміла Крупская.
Аднойчы арганізавалі для дзяцей дэгустацыю сыру, каб даведацца, які сыр ім больш падабаецца. Школьнікам прапанавалі пакаштаваць некалькі відаў цвёрдага сыру з сычужным ферментам, мацарэлу ў выглядзе шарыкаў і бруска. Высветлілася, што на сняданак дзеці аддаюць перавагу бутэрброду з цвёрдым сырам, а для запякання страў юныя дэгустатары выбралі мацарэлу.
Таксама паспрабавалі выкарыстоўваць замест свежай садавіны фруктова-ягаднае пюрэ — вучням таксама спадабалася.
Топ-5 любімых страў дзяцей са школьнага меню:
- Пельмені са смятанай і таматным соусам.
- Курачка «Пікантная» (з мякаці сцягна кураня).
- Шашлычок «Школьны» (з курыцы).
- Салат «Кукурузка» (з кансерваванай кукурузай, вяндлінай і свежым агурком).
- Бульбяное пюрэ.
Навукоўцы Акадэміі навук распрацавалі альтэрнатыву чыпсам. Іх таксама можна набыць для перакусу ў школьных буфетах. Праўда, дзеці называюць чыпсамі кукурузныя шарыкі з цыбуляй і сырам. Яны не шкодзяць арганізму, што расце, бо ўтрымліваюць толькі бяспечныя інгрэдыенты.
Цяпер чытаюць
Брат беларускай каралевы прыгажосці трапіў у рэанімацыю ў Азербайджане6
Каментары