Vice-prezident ZŠA Džej Dzi Vens zajaviŭ, što ZŠA sprabujuć skancentravacca na pytańniach doŭhaterminovaha ŭrehulavańnia vajny va Ukrainie i adyści ad idei časovaha pieramirja. Ale patrabavańni Rasii, maŭlaŭ, zavyšanyja.
«Ukraincy zajavili, što zhodnyja na 30-dzionnaje spynieńnie ahniu, i my cenim heta. Rasijanie havorać, što 30-dzionnaje pieramirje nie adpaviadaje ichnim stratehičnym intaresam. Tamu my starajemsia nie zacyklivacca na 30-dzionnym spynieńni ahniu, a zasiarodzicca bolš na tym, što vyhladała b jak doŭhaterminovaje ŭrehulavańnie», — skazaŭ Vens, vystupajučy ŭ Vašynhtonie na forumie, arhanizavanym Miunchienskaj kanfierencyjaj pa biaśpiecy.
Vens dadaŭ, što Rasija, na dumku ZŠA, patrabuje na pieramovach zanadta šmat, ale tym nie mienš jana, maŭlaŭ, usio ž zacikaŭlenaja ŭ miry.
ZŠA ličać, što nastupnym bujnym krokam na pieramovach pavinny stać pramyja kantakty Rasii i Ukrainy. Maŭlaŭ, biez chacia b minimalnaha dyjałohu Maskvy i Kijeva pasiarednictva ŭ mirnym urehulavańni niemahčymaje.
Śpiecpradstaŭnik Trampa Kiełah nazvaŭ Pucina hałoŭnaj pieraškodaj na šlachu da spynieńnia ahniu va Ukrainie
Paźniak: Tramp likvidavaŭ usiu hetuju španu, jakaja havoryć pra 160 pałoŭ
Tramp vyrašyŭ pryciahnuć Erdahana dla spynieńnia vajny va Ukrainie
«Hučyć nie tak užo šmat, ale heta vielmi šmat». Tramp vykazaŭsia pra pucinskaje trochdzionnaje pieramirje
Kamientary