Raźliki Jeŭrapiejskaha centra siarednieterminovych prahnozaŭ nadvorja (ECMWF) pakazvajuć, što da 25 maja ciapła čakać asabliva nie varta, piša telehram-kanał @nadvorie.
Nastupny tydzień, jak i ciapierašni, taksama budzie vielmi chałodny — na 3-6° nižejšy za normu.
Toj, što pryjdzie paśla jaho, z 19 da 26 maja, čakajecca krychu ciaplejšy, ale taksama chałodny — na 1-3° nižejšy za klimatyčnuju normu.
Usio heta tłumačycca ŭstojlivaj sistemaj cyrkulacyi atmaśfiery, jakaja ciapier skłałasia nad Jeŭropaj i abumoŭlenaja prastoravym raźmierkavańniem abłaściej vysokaha i nizkaha cisku.
Na karcie (prahnoz anamalii hieapatencyjału na ŭzroŭni 500 hPa) dobra bačnyja hetyja vobłaści. Nad paŭnočnaj Atłantykaj budzie raźmiaščacca vyšynny antycykłon «B», a prykładna nad jeŭrapiejskaj častkaj Rasija na doŭhi čas ustalujecca vyšynny cykłon «H». Biełymi strełkami pakazanaja sistema vietru ŭ hetych baryčnych utvareńniach; sinimi — chałodnaje pavietra.
Takim čynam da nas u siaredniuju Jeŭropu i dachodzić chałodnaje pavietra z prypalarnych abłaściej.
Ciapier čytajuć
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary
Nu, a jak vyjdu, tady ūžo hrejciesia, zaharajcie, kupajciesia ū mory. Samy čas budzie...
Škada vos toļki, što čarešnia maja nia ūrodzic` praz chalodnaje nadvorje. Alie ničoha nie zrobiš, tak sklalasia.
A moža i ūrodzic`, bo lietas toje samaje bylo, a ūradžaj atrymaūsia dobry...