Na zachadzie Bresckaj vobłaści chałodny front, jaki zaŭvažny ciapier i ŭ centry Biełarusi, prajaŭlaje siabie najiarčej, u vyhladzie zaleŭ i navalnic sa škvalistym uzmacnieńniem vietru da 12-15 m/s, piša telehram-kanał «Mietieovajb». Padpisčyki kanała dasłali ŭ jaho i fota takoj źjavy, jak navalničny kaŭnier.
Navalničny (škvałavy) kaŭnier, ci vałavyja abłoki — ahulnaja nazva roznych vidaŭ kučava-daždžavych abłokaŭ. Takija abłoki — heta hałoŭnaja prykmieta bury i ŭrahanaŭ, jany vielmi niebiaśpiečnyja mocnymi viatrami i daždžami.
U navalničnym froncie chałodnaje pavietra, a za miežami frontu, naadvarot, ciopłaje. Paśla sutyknieńnia hetych dvuch patokaŭ ciopłaje pavietra padymajecca ŭvierch, a chałodnaje ŭniz, u vyniku čaho adbyvajecca praces nabyćcia chmaraj vyhladu, padobnaha na kaŭnier.
Ciapier čytajuć
Jak u halečy śpivałasia radnia Łukašenki? Małaviadomyja fakty30
Kamientary