«Skazali, što tranśfieru nie budzie». «Biełavija» pieranosić niekatoryja rejsy z Batumi ŭ Kutaisi
Karystalniki sacsietak paviedamlajuć: «Biełavija» pieraniesła ich rejsy z Batumi ŭ Kutaisi.
U adnym z pablikaŭ u Telegram byŭ apublikavany skrynšot paviedamleńnia ad avijakampanii klijentu: kali jamu vieryć, pryčynaj niazručnaściaŭ staŭ ramont uźlotna-pasadačnaj pałasy ŭ Batumi.
Miarkujučy pa ŭsim, z prablemami sutyknulisia tyja, chto płanavaŭ palot u Hruziju naprykancy maja — na pačatku červienia. Onliner.by źviazaŭsia ź dziaŭčynaj, baćka jakoj pavinien lacieć adnym ź pieraniesienych rejsaŭ 12 červienia.
— Rejs B2 731 (raniej B2 737). Pra źmieny nam pryjšło paviedamleńnie na poštu. Źviarnulisia ŭ «Biełavija» nakont tranśfieru abo kampiensacyi. Adkaz: ich nie budzie. Jak ja razumieju, inšych karystalnikaŭ taksama ihnarujuć, — raspaviała dziaŭčyna. — Jak baćka ciapier płanuje dabiracca z Kutaisi ŭ Batumi? Pakul niama raskładu ni na ciahnik, ni na aŭtobus. Taksi kaštuje ciapier ad 120 da 150 łary (143—179 rubloŭ), ale, miarkuju, u momant, kali jano spatrebicca, budzie pavyšany popyt i cana vyraście. Bilet zdavać nie budziem: jość vierahodnaść, što kali lacieć avijakampanijaj «Azimut» abo Red Wings, to rejs uvohule pieraniasuć na nieviadoma jaki termin.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary