Tramp zajaviŭ, što hatovy adstupić ad pieramovaŭ pamiž Ukrainaj i RF, kali nie budzie prahresu
«Heta kryvavaja łaźnia, i ja vieru, što jon choča jaje spynić».
Prezident ZŠA Donald Tramp zajaviŭ, što hatovy «adyści» ad pieramovaŭ ab spynieńni vajny Rasii suprać Ukrainy ŭ vypadku, kali nie budzie dasiahnuty prahres, paviedamlaje CNN.
Tramp zajaviŭ, što padčas ichniaj dvuchhadzinnaj telefonnaj razmovy zapytaŭsia ŭ kiraŭnika Rasii Uładzimira Pucina, kali toj «spynić hetaje kryvavaje miesiva» va Ukrainie.
Ja skazaŭ: «Kali my spynim hetaje kryvavaje miesiva, heta kryvavuju baniu?» «Heta kryvavaja łaźnia, i ja vieru, što jon choča jaje spynić».
Tramp taksama skazaŭ, što kali paličyć, što nie moža dapamahčy, to «adydzie» ad pieramovaŭ. Jon dadaŭ, što tut udzielničajuć «vielmi vialikija eha».
«Kažu vam, udzielničajuć vialikija eha, ale ja dumaju, što niešta adbudziecca. A kali hetaha nie adbudziecca, ja prosta adydu, i im daviadziecca praciahvać».
Na pytańnie, ci prasiŭ jon sustrecca z Pucinym padčas ichniaj razmovy, prezident adkazaŭ, što «razmaŭlaŭ ź im pra heta».
Vydańnie dadaje, što Tramp raniej namiakaŭ, što jamu i Pucinu pryjdziecca sustrecca asabista, kab pakłaści kaniec vajnie.
«Viadoma, ja tak i zrabiŭ. Ja razmaŭlaŭ ź im pra heta», — adznačyŭ prezident ZŠA.
Razam z tym Tramp skazaŭ, što padčas razmovy z Pucinym «dasiahnuty peŭny prahres».
Dzie pracujuć i jak vyhladajuć žonki top-čynoŭnikaŭ?16
Dzie pracujuć i jak vyhladajuć žonki top-čynoŭnikaŭ?
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary