U Vialikabrytanii prapanujuć abaviazkovuju kastracyju piedafiłaŭ i seks-złačyncaŭ

Jak paviedamlaje The Times, z radykalnaj inicyjatyvaj u baraćbie z seksualnymi złačynstvami vystupiła ministarka justycyi Vialikabrytanii Šabana Machmut. Jana stanie častkaj maštabnaj sudovaj reformy, meta jakoj — źmienšyć kolkaść źniavolenych i razhruzić pierapoŭnienyja turmy Anhlii i Uelsa.

Pavodle ŭradavych krynic, Machmud płanuje pašyryć piłotny prajekt, u ramkach jakoha ŭžo prymianiajecca miedykamientoznaje padaŭleńnie libida złačyncaŭ, jakija znachodziacca ŭ niekalkich turmach paŭdniova-zachodniaj Anhlii. Novy etap achopić 20 rehijonaŭ, a ŭ dalejšym prahrama moža być ukarenienaja va ŭsioj krainie.

Jak piša vydańnie, klučavym arhumientam na karyść takoha padychodu dla Šabany Machmud stali vyniki daśledavańniaŭ, pavodle jakich užyvańnie preparataŭ, što padaŭlajuć seksualnaje žadańnie, moža skaracić uzrovień recydyvaŭ da 60%.

Ministarka justycyi vyvučaje mahčymaść zrabić chimičnuju kastracyju abaviazkovaj dla asobaŭ, asudžanych za asabliva ciažkija seksualnyja złačynstvy. U jakaści prykładu razhladajecca praktyka ZŠA — u pryvatnaści štata Kalifornija, dzie chimičnaja kastracyja źjaŭlajecca abaviazkovaj umovaj dla daterminovaha vyzvaleńnia niekatorych katehoryj złačyncaŭ.

Prahrama, jakaja ciapier pracuje ŭ piłotnym režymie, moža ŭ pierśpiektyvie być raspaŭsiudžanaja i na tych, chto atrymaŭ umoŭnyja terminy.

Paedophiles will face mandatory chemical castration and killers, rapists and other dangerous criminals will be released after serving only half of their sentences ⬇️ https://t.co/FO1qOzZYJu

— The Times and The Sunday Times (@thetimes) May 22, 2025

Vialikabrytanija maje namier pajści dalej za krainy, dzie chimičnaja kastracyja vykarystoŭvajecca tolki na dobraachvotnaj asnovie — takija, jak Hiermanija, Francyja, Šviecyja i Danija — i stać u adzin šerah z takimi dziaržavami, jak Čechija, Nihieryja i Madahaskar, dzie hetaja miera moža prymianiacca ŭ abaviazkovym paradku da asobnych katehoryj seksualnych złačyncaŭ.

Chimičnaja kastracyja praduhledžvaje vykarystańnie dvuch typaŭ preparataŭ: sielektyŭnych inhibitaraŭ zvarotnaha zachopu sierataninu (SSRI) dla padaŭleńnia dakučlivych seksualnych dumak i antyandrahienaŭ dla źnižeńnia ŭzroŭniu testasteronu i libida. Asudžanyja taksama buduć prachodzić psichijatryčnyja sieansy dla kantrolu inšych impulsaŭ.

Novyja miery źjaŭlajucca častkaj bolš šyrokaj stratehii pa źnižeńni recydyvaŭ i razhruzcy pierapoŭnienych turmaŭ. Užo zaraz źniavolenych vypuskajuć daterminova, kab paźbiehnuć niedachopu miescaŭ, jaki moža ŭźniknuć ŭ listapadzie.

Niezaležny ahlad pa prysudach, praviedzieny eks-ministram justycyi Devidam Haŭkam, prapanuje pavialičyć vykarystańnie ŭmoŭnych terminaŭ, departavać bolš zamiežnych złačyncaŭ i bolš šyroka prymianiać taki vid pakarańnia, jak hramadskija raboty. Taksama razhladajecca padaŭžeńnie maksimalnaha termina ŭmoŭnaha pakarańnia z dvuch da troch hadoŭ i vyzvaleńnie paśla adbyćcia traciny termina. Płanujecca, što ŭviadzieńnie kompleksu zachadaŭ dazvolić skaracić kolkaść źniavolenych u krainie amal na 10 tysiač da 2028 hoda.

• 2
• 0
• 0
• 0
• 0
• 0
• 0
• 0