U adnym budynku — spa, supiermarkiet i biznes-apartamienty. U «Minsk-Śviecie» pabudujuć niezvyčajny dom
U kvartale «Zachodni» žyłoha kompleksu «Minsk-Śviet» uźviaduć šmatfunkcyjanalny kompleks, jaki abjadnaje pad adnym dacham biznes-apartamienty, handlovy abjekt i FAK. Dom atrymaje nazvu «Kantyniental». Užo zaŭtra zabudoŭščyk pačnie afarmlać damovy dolevaha budaŭnictva, piša «Anłajnier».
Hałoŭnaja asablivaść kompleksu — tam nie budzie kvater u zvykłym razumieńni. Zamiest ich — šmatfunkcyjanalnyja apartamienty. Heta 374 pamiaškańni na druhim-siomym pavierchach, jakija možna vykarystoŭvać i dla pražyvańnia, i dla viadzieńnia biznesu. Siarod ich buduć i dvuchuzroŭnievyja vip-varyjanty z vychadam na terasu, jakaja raźmieścicca ŭ zonie ekspłuatavanaha dachu.
Centralny atryum budynka — vaśmipaviarchovy. Tam raźmieściacca zona recepcyi, charčovy supiermarkiet i hipiermarkiet budmateryjałaŭ, niekalki fud-kortaŭ, fitnes-centr, boŭlinh.
Na cokalnym paviersie zaprajektavany fizkulturna-azdaraŭlenčy kompleks z darosłym i dziciačym basiejnami, džakuzi i saŭnami.
U budynku praduhledžany ekspłuatavany dach z zonami adpačynku, dziciačymi hulniavymi kompleksami, spartyŭnymi placoŭkami z vuličnymi trenažorami. Tam buduć vykarystanyja elemienty łandšaftnaha dyzajnu, małyja architekturnyja formy i roznyja vidy pakryćcia — ad kamiennaha brukavańnia dla suchoj raki da hlebavaha substrata dla vysadki šmathadovych raślin.
Na dachu płanujuć pravodzić siezonnyja mierapryjemstvy i navat ustalavać fud-traki.
Dla aŭtamabilistaŭ prajektujuć šmatuzroŭnievy haraž-stajanku na 1620 mašynamiescaŭ.
Kali pačniecca budaŭnictva «Kantynientala», pakul nieviadoma. Adnak damovy dolevaha budaŭnictva pačnuć zaklučać užo zaŭtra, na sajcie bir.by užo źjavilisia ceńniki.
Možna vybrać apartamienty roznaj płoščy — ad 26 da 129 kvadratnych mietraŭ. Usie pamiaškańni buduć zdavacca ŭ farmacie opienspejs, heta značyć bieź pieraharodak. Dzialić prastoru na pakoi treba budzie samomu ŭłaśniku.
Tak, naprykład, za apartamienty na druhim paviersie pamieram 26 kvadratnych mietraŭ zabudoŭščyk prosić €39 585 pa kursie. Za 46 «kvadrataŭ» na tym ža paviersie — €67 145 u ekvivalencie. Apartamienty płoščaj 126 «kvadrataŭ» na trecim uzroŭni abyducca ŭžo ŭ €170 316 pa kursie.
Ciapier čytajuć
Piatkievič: Sacyjalnaja śfiera — jašče i ekanomika. A ŭ kultury ludzi chacieli b, kab było, jak u inšych krainach14
Piatkievič: Sacyjalnaja śfiera — jašče i ekanomika. A ŭ kultury ludzi chacieli b, kab było, jak u inšych krainach
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ66
Kamientary