Niekatoryja ŭładalniki kvater, žadajučy pavialičyć žyłuju płošču, abjadnoŭvajuć u adnu prastoru łodžyju i susiedni pakoj ź pieranosam radyjatara z padakonnaj ściany ŭ inšaje miesca. Jakimi nastupstvami moža abiarnucca takaja pierapłaniroŭka, daviedalisia «Minsk-Naviny» ŭ ŽEU № 3 Pieršamajskaha rajona.
Pasłuhi pa pašyreńni pakoja za košt łodžyi abo bałkona prapanujuć niekatoryja staličnyja kampanii, jakija śpiecyjalizujucca na ramontnych pracach. Tak, adna z arhanizacyj zapeŭnivaje patencyjalnych zakazčykaŭ, što zrobić pierapłaniroŭku «prafiesijna», abiacajučy «stroha pa dziaržstandartach» zrabić «demantaž bałkonnaha błoka, škleńnie łodžyi ciopłym škłopakietam, uciapleńnie i azdableńnie ŭnutry».
— Taki vid pierapłaniroŭki zabaronieny: pavieličeńnie płoščy pamiaškańnia, jakuju aciaplajuć, za košt dałučeńnia navat idealna ŭcieplenych bałkona abo łodžyi pryvodzić da ciepłastrat — sistema ciepłazabieśpiačeńnia žyłoha doma nie raźličana na abahravańnie dadatkovych kvadratnych mietraŭ, — papiaredžvaje načalnik jurydyčnaha adździeła ŽEU № 3 Pieršamajskaha rajona Alaksiej Skałdzin. — Parušalniku pahražajuć značnyja finansavyja vydatki — jamu daviadziecca nie tolki zapłacić štraf, ale i viarnuć usio ŭ pieršapačatkovaje stanovišča.
Tym nie mienš, niekatoryja łodžyi možna zrabić «bližejšymi». Naprykład, kali łodžyja ciahniecca ŭzdoŭž dvuch pamiaškańniaŭ — pakoja i kuchni, a dźviery raźmieščany ŭ pakoi, dapuskajecca ŭładkavańnie dadatkovaha vychadu i z kuchni pry najaŭnaści dastatkovaj adlehłaści pamiž ścianoj i aknom, adznačyŭ śpiecyjalist.
Daviedka
Z 1 studzienia samavolnaje pieraabstalavańnie abo pierapłaniroŭka, zhodna z č. 4 i č. 5 art. 22.12 Kodeksa ab administracyjnych pravaparušeńniach, karajucca štrafam u pamiery:
— da 20 bazavych vieličyń, abo 840 rubloŭ, kali samavolnaje pieraabstalavańnie abo pierapłaniroŭka žyłych i niežyłych pamiaškańniaŭ, u tym liku inžyniernych sistem (aciapleńnia, haračaha i chałodnaha vodazabieśpiačeńnia, kanalizacyi, hazazabieśpiačeńnia, elektrazabieśpiačeńnia, vientylacyi), vykanana bieź źmianieńnia apornaj zdolnaści kanstrukcyj;
— ad 10 da 30 bazavych vieličyń, abo ad 420 da 1 260 rubloŭ, kali samavolnaje pieraabstalavańnie abo pierapłaniroŭka pryviała da źnižeńnia apornaj zdolnaści kanstruktyŭnych elemientaŭ budynka, a taksama kali vykanana pieraabstalavańnie vientylacyjnych šacht i kanałaŭ.
Ciapier čytajuć
Na naradzie ŭ Łukašenki publična pasvarylisia čynoŭniki. Jon nie viedaŭ, kaho padtrymać15
Kamientary