«Kali pozvu adpravili pamyłkova, hramadzianin pavinien heta dakazać». U Homieli ŭ milicyju vyklikajuć tych, chto nie parušaŭ zakon
Siłaviki na Homielščynie rassyłajuć pozvy na prafiłaktyčnyja mierapryjemstvy. Sprabujuć «pierakanać znajści pracu».
Homielskaja milicyja rassyłaje miascovym žycharam pozvy na prafiłaktyčnaje mierapryjemstva. Mnohich takija listy ździŭlajuć, bo nijakaha zakonu jany nie parušali.
Jak patłumačyŭ namieśnik načalnika Savieckaha RAUS Alaksandr Ramanienka, kali takaja pozva pryjšła, to heta značyć, što hramadzianina ŭklučyli ŭ śpis «darmajedaŭ».
«Chutčej za ŭsio, vy trapili ŭ śpisy hramadzian, niezaniatych u ekanomicy (heta značyć, jakija nie majuć aficyjnaj pracy). Meta prafiłaktyčnaha mierapryjemstva — pierakanać vas znajści pracu. Heta robicca jak indyvidualna ŭ kabiniecie ŭčastkovaha inśpiektara, tak i na ahulnych schodach u rajadździele milicyi, — raskazaŭ milicyjant vydańniu «Biełka».
Jon miarkuje, što pozvy mohuć pamyłkova dasyłać tym, chto nasamreč pracuje. Ale pa łohicy pravaachoŭnika, u takim vypadku dakazvać, što milicyja dapuściła pamyłku, pavinien sam hramadzianin. U takim vypadku čałavieku, jaki atrymaŭ pozvu, treba prynieści paćviardžeńnie taho, što jon pracuje, va ŭpraŭleńnie.
«Kali ŭ vas niama pracy, supracoŭniki milicyi hatovyja dapamahčy vam jaje znajści praz haradskoje ŭpraŭleńnie pa pracy, zaniataści i sacyjalnaj abaronie nasielnictva. Jakraz na schodzie, kudy vas zaprašajuć, pra heta taksama budzie iści havorka», — skazaŭ Ramanienka.
Tolki ŭ Savieckim rajonie Homiela žyvuć kala 10 tysiač čałaviek, niezaniatych u ekanomicy. Mnohich ź ich Ramanienka abvinavačvaje ŭ tym, što jany nie chočuć pracavać, viaduć asacyjalny ład žyćcia i žyvuć za košt svajakoŭ.
Na Homielščynie žycharam, pryznanym «darmajedami», rassyłajuć pozvy ź milicyi
U śvietłahorskich siłavikoŭ na ścianie visić sapraŭdny «ikanastas» z partretami čynoŭnikaŭ FOTAFAKT
«Darmajedstva — heta ład žyćcia». Padatkavaja złaviła žančynu, jakaja handlavała kala pierachodu, i pafiłasofstvała
Darmajedaŭ šukajuć navat siarod tych, chto źjechaŭ za miažu ŭ 1990-ch: telefanujuć svajakam u Biełarusi
Pa Minsku buduć praviarać «darmajedaŭ» i tych, chto pracuje za miažoj
«Nu i kudy mnie, prybiralščycaj?» Maładaja maci nie moža znajści pracu paśla treciaha dekretu
Łukašenka: Bamžoŭ, darmajedaŭ u krainie nie budzie
Praź dzieviać miesiacaŭ paśla vyzvaleńnia pamior palitviazień Valeryj Bohdan7
Kamientary
Dziakuju. To značycca heta nie pozva, a prosta reklama "dapamohi". Ci heta ŭsio ž pozva z _prymusam_ pryjści na pramyŭku mazhoŭ?
> na schodzie, kudy vas zaprašajuć
Dyk usio ž "zaprašajuć"? To značycca možna nie chadzić kali niama žadańnia?
Z artykuła nie zrazumieła što ŭ tym vypadku kali ja nie pracuju, ja ŭ bazie "darmajedaŭ" i pracavać ja nie źbirajusia, ja žyvu na svaje srodki zaroblenyja ŭ minułyja hady i nijakaja "dapamoha" mnie nie patrebna? Značycca možna prosta nie prychodzić, ci jak? Kali heta ŭsio ž prymusova - jakaja adkaznaść kali ja nie pryjdu?
>pavinien sam hramadzianin
>treba prynieści paćviardžeńnie
Dyk usio ž taki "pavinien" i "treba"? A što kali nie pryniasu i ŭvohule nie pryjdu. U viaźnicu kinuć? Aštrafujuć? Niejki poŭny bardak i ničoha nie zrazumieła. Ja bačyŭ takuju papierku i tam taksama takoju ž movaju napisana. Na niejkich pužlivych durniaŭ raźlik.
Bolš taho nakolki ja viedaju jany prosta poštaju adpraŭlajuć hetyja papierki. Navat nie pad podpis. Tamu navat fakt uručeńnia nie fiksujecca nijak. Dumaju varta prosta karystać hetyja papierki adpaviednym čynam - u prybiralni.
>abvinavačvaje ŭ tym, što jany nie chočuć pracavać
>žyvuć za košt svajakoŭ.
Stop. A heta ŭžo parušeńnie niejkich zakonaŭ?