«Adzin raz za sto hadoŭ prajechaŭ na transparcie». Žycharu Mahilova ŭ aŭtobusie dali reštu rasijskimi manietami
Mužčyna zamiest troch biełaruskich rubloŭ atrymaŭ try rasijskija. I pajechaŭ raźbiracca.
Žychar Mahilova paskardziŭsia, što kanduktar u aŭtobusie daŭ jamu reštu rasijskimi manietami zamiest biełaruskich.
Mužčyna apublikavaŭ svoj raskaz u tyktoku. Pavodle jaho słoŭ, jon «adzin raz za sto hadoŭ» prakaciŭsia na aŭtobusie i adrazu trapiŭ u niepryjemnuju situacyju. Zamiest troch maniet pa adnamu biełaruskamu rublu kanduktar dała jamu reštu try rasijskija rubli.
Na nastupny dzień mužčyna pajechaŭ raźbiracca ŭ aŭtapark. Pavodle jaho słoŭ, na toj momant načalstva ŭžo pahladzieła videa i navat znajšło vinavataha kanduktara. Mužčyna viarnuŭ aŭtaparku try rasijskija rubli i atrymaŭ nazad try biełaruskija.
Jon kaža, što paprasiŭ načalnikaŭ nie karać kanduktara i nie pazbaŭlać jaho premii, a prosta paprasić rabotnikaŭ uvažliva hladzieć, jakija maniety jany prymajuć i addajuć pasažyram.
U kamientaryjach daloka nie ŭsie hledačy padtrymali mužčynu. Mnohija pisali, što jon padniaŭ zanadta šmat šumu z-za troch rubloŭ. Ale mužčyna ličyć, što ŭsio zrabiŭ pravilna.
Jon zmadelavaŭ adrazu niekalki historyj z drennym kancom, jakija mahli b zdarycca z-za troch rubloŭ.
«Jak vam takoje. Kali hrošaj u abrez, zastałosia tolki na bilet na dyziel da rajcentra, 29 kiłamietraŭ. I, adpaviedna, z-za taho, što hetyja try rubli — nie try rubli, ich nie chapiła», — prapanavaŭ adzin z varyjantaŭ aŭtar videa.
-
Maładoha vypusknika Akademii MUS asudzili pa redkim artykule — za «parušeńnie achovy dziaržaŭnych sakretaŭ»
-
Vučniaŭ, jakija z matam parvali ekzamienacyjnyja bilety pa historyi Biełarusi, prymusili vybačacca kala manumienta Pieramohi
-
«Mikałaja bili, dzie tolki jaho bačyli». Pra katavańni źniavolenaha anarchista Dziadka raskazała advakatka Mackievič
Ciapier čytajuć
Vučniaŭ, jakija z matam parvali ekzamienacyjnyja bilety pa historyi Biełarusi, prymusili vybačacca kala manumienta Pieramohi41
Kamientary