Miesiac tamu adbylisia zatrymańni top-mieniedžaraŭ Mazyrskaha naftapierapracoŭčaha zavoda, ale nijakaj aficyjnaj infarmacyi pra heta tak i nie źjaviłasia. «Fłahštok» daviedaŭsia z krynicaŭ, źviazanych z zavodam, što viadoma pra situacyju na hety momant.
Pa źviestkach krynicy, niekalkich zatrymanych adpuścili. Siarod ich — načalnik jurydyčnaj słužby Ihar Drahiel. Na pradpryjemstvie pieršapačatkova mierkavali, što «jon vykrucicca» — tak i adbyłosia. Ciapier Drahiel prachodzić pa karupcyjnaj spravie jak śviedka i pracuje jak i raniej.
Taksama stali viadomyja proźviščy jašče niekalkich zatrymanych na NPZ. Akramia dyrektara dyrekcyi pa rekanstrukcyi i raźvićci Alaksandra Huda była ŭziataja pad vartu i jaho žonka. Jaje proźvišča nazvaŭ «Rabočy ruch»: ekanamist Natalla Miškova.
Jašče adzin zatrymany — namieśnik hienieralnaha dyrektara pa materyjalna-techničnym zabieśpiačeńni Siarhiej Trunin.
Akramia taho, pavodle źviestak «Rabočaha ruchu», siłaviki zatrymlivali i niekalkich byłych top-mieniedžaraŭ zavoda. Heta eks-namieśnik hienieralnaha dyrektara pa materyjalna-techničnym zabieśpiačeńni Maksim Dvorak i były hałoŭny inžynier pradpryjemstva Siarhiej Tukač.
Cikava, što samaja vyšejšaja słužbovaja asoba ź liku zatrymanych — ciapierašni hałoŭny inžynier Siarhiej Hramovič — pa-raniejšamu značycca na sajcie na hetaj pasadzie.
Kamientary