«Raźjazdžalisia prosta pa tratuarach». Kala novaha stadyjona paśla matča adbyŭsia kałaps
Hulniu zbornych Biełarusi i Rasii, pavodle aficyjnych danych, naviedali amal 30 tysiač hledačoŭ. Vyjechać im sa stadyjona było prablematyčna.
Paśla tavaryskaha matču pamiž zbornymi Biełarusi i Rasii (1:4) kala novaha Nacyjanalnaha futbolnaha stadyjona adbyŭsia transpartny kałaps.
Zhodna z pratakołam, hulniu naviedała 27314 hledačoŭ. Šmat chto ź ich pryjechaŭ na mašynach. Raźjechacca paśla matču było ciažka, piša Onliner.
«Kałaps na darohach i ŭ dvarach kala Nacyjanalnaha futbolnaha stadyjona. Aŭtamabili sprabavali raźjechacca prosta pa tratuarach. Vialikaja čarha na vyjeździe na Partyzanski praśpiekt», — raskazaŭ vidavočca.
Na fota sapraŭdy vidać, jak niekatoryja mašyny vyjechali na tratuar, kab pasprabavać prarvacca na praśpiekt. Dniom pierad matčam situacyja była nie lepšaja. Vialiki korak utvaryŭsia prosta na praśpiekcie.
Nacyjanalny stadyjon raźličany na 33 tysiačy hledačoŭ. Pry hetym architektary nie praduhledzieli parkoŭku i vyjezdy sa stadyjona. Parkinh na arenie raźličany ŭsiaho na 307 miescaŭ. Mnohim zaŭziataram daviałosia pakidać mašyny ŭ dvarach pa susiedstvie.
Ciapier čytajuć
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary