Rasijskija słužby viarnuli ŭ Biełaruś dźvie tony varanaj kaŭbasy, jakuju sprabavali zavieźci ŭ Rasiju z parušeńniami. Pra heta paviedamiŭ Raśsielhasnahlad.
Hruz zatrymali na miažy ŭ Pskoŭskaj vobłaści. Padčas pravierki vyśvietliłasia, što na miasnuju pradukcyju nie było nieabchodnych dakumientaŭ, jakija paćviardžajuć jaje biaśpieku i pachodžańnie. Akramia taho, było ŭstanoŭlena parušeńnie vieterynarna-sanitarnych praviłaŭ: kaŭbasu pieravozili biez chaładzilnaha abstalavańnia, choć jana patrabuje strohaha tempieraturnaha režymu.
Z-za hetych parušeńniaŭ hruz pryznali takim, jakija nie moža pieramiaščacca pa terytoryi Jeŭrazijskaha ekanamičnaha sajuza. U vyniku byŭ składzieny akt ab viartańni, i ŭsia partyja kaŭbasy była adpraŭlena nazad u Biełaruś.
U 2025 hodzie Paŭnočna-Zachodniaje mižrehijanalnaje ŭpraŭleńnie Raśsielhasnahladu zafiksavała 36 padobnych vypadkaŭ niezakonnaha ŭvozu pradukcyi žyviolnaha pachodžańnia. Ahulnaja masa viernutych u Biełaruś tavaraŭ pieravysiła 50 ton.
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary