Stało viadoma, dzie «Tarpieda-BiełAZ» i minskaje «Dynama» prymuć supiernikaŭ u jeŭrakubkach
Paśla pačatku vajny va Ukrainie biełaruskija kłuby i zbornyja pravodziać matčy na niejtralnych palach u inšych krainach.
«Asabista ja dapamahaŭ znajści stadyjony dla minskaha «Dynama» i «Tarpieda-BiełAZ» — jany zhulajuć u Vienhryi. Tam užo praktyčna ŭsio paćvierdžana, treba tolki damovicca pra niekatoryja detali. Spadziajusia, što vašy kłuby paśpiachova vystupiać u jeŭraturnirach, — zajaviŭ daradca prezidenta UEFA Jozef Klimient.
Losavańnie pieršaha i druhoha raŭndaŭ kvalifikacyi Lihi čempijonaŭ i Lihi kanfierencyj projduć na nastupnym tydni. Sami matčy pieršaha raŭndu adbuducca 8-10 i 15 i 17 lipienia.
U pieršym raŭndzie kvalifikacyi Biełaruś pradstavić minskaje «Dynama», u kvalifikacyi Lihi kanfierencyj vystupiać «Tarpieda-BiełAZ», bresckaje «Dynama» i hrodzienski «Nioman». Kab dabracca da asnoŭnaha raŭndu jeŭrakubkaŭ, treba prajści čatyry raŭndy.
Hod tamu minskaje «Dynama» dabrałasia da asnoŭnaj stadyi Lihi kanfierencyj, ale nie zmahło vyjści ŭ płej-of.
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha16
Kamientary