U Francyi pierakuliŭsia aŭtobus z ukrainskimi dziećmi: čatyry čałavieki zahinuli
Hrupa ŭkrainskich padletkaŭ trapiła ŭ darožnuju avaryju na paŭnočnym zachadzie Francyi ŭ piatnicu.
Aŭtobus, u jakim byli darosłyja i dzieci, pierakuliŭsia na trasie ŭ rehijonie Sart. Čatyry čałavieki zahinuli, 11 atrymali surjoznyja traŭmy, ich špitalizavali.
Pra heta Bi-bi-si Ukraina paviedamiła ŭkrainskaje ministerstva zamiežnych spraŭ. Uzrost zahinułych nie paviedamlajecca.
Avaryja adbyłasia na aŭtamahistrali A81 kala horada Dehre ŭ napramku horada Le-Man kala paŭdnia, paviedamiła miascovaja hazieta Ouest-France.
«U piatnicu kala 12:00 na aŭtamahistrali A81 pamiž Renam i Le-Manam aŭtobus pierakuliŭsia na abočynie aŭtamahistrali z hrupaj dziaciej i padletkaŭ va ŭzroście ad 15 da 17 hadoŭ, jakija znachodzilisia na školnym abmienie,» — raskazaŭ prefiekt Sarta Emanuel Abry žurnalistam.
Pavodle čynoŭnika, jašče 34 čałavieki atrymali lohkija traŭmy. Na miesca avaryi vyjechali pradstaŭniki pasolstva i asabista pasoł Ukrainy.
Pavodle papiaredniaj infarmacyi, aŭtobus pieravoziŭ hramadzian Ukrainy, u tym liku hrupu dziaciej.
Ruch pa aŭtamahistrali A81 byŭ zakryty ŭ abodvuch napramkach, na miescy padziei pracujuć palicyja i ratavalniki. Premjer-ministr Francyi Fransua Bajru vykazaŭ spačuvańni siemjam, što paciarpieli.
Ministr zamiežnych spraŭ Andrej Sibiha daručyŭ Departamientu konsulskaj słužby MZS i pasolstvu Ukrainy ŭ Francyi trymać situacyju na asablivym kantroli i zabiaśpiečyć naležnuju dapamohu paciarpiełym hramadzianam Ukrainy.
Padrabiaznaści ad Zialenskaha
Jak zajaviŭ Uładzimir Zialenski, u avaryi paciarpieła šmat ukraincaŭ, u tym liku dziaciej.
Jany viartalisia z navučalnaha abmienu z francuzskaha liceja ŭ Bretani. Pa darozie ŭ Paryž aŭtobus straciŭ kiravańnie i źjechaŭ u kiuviet.
Jon dadaŭ, što ciapier viadoma pra čatyroch zahinułych darosłych, troje ź ich — hramadzianie Ukrainy. Jašče dvoje čałaviek u ciažkim stanie, za ich žyćci zmahajucca francuzskija miedyki. Astatnija dzieci majuć siarednija i lohkija ranieńni, usim im akazvajecca nieabchodnaja dapamoha.
Ministr zamiežnych spraŭ Andrej Sibiha i ministr unutranych spraŭ Ihar Klimienka rehularna infarmujuć pra stan paciarpiełych i ŭsie abstaviny padziei.
«Viedaju, što ofis Prezidenta Francyi Emanuela Makrona praciahvaje dapamahać i trymać situacyju pad kantrolem. Taksama mabilizavany antykryzisny centr MZS Francyi i miascovyja orhany ŭłady».
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary