Śviet11

Detali apieracyi «Masada»: Izrail niekalki miesiacaŭ tajemna pryvoziŭ zapčastki dla dronaŭ i bojeprypasy ŭ Iran

Padobnuju taktyku skarystała i Ukraina dla śpiecapieracyi «Pavucińnie».

Naftapierapracoŭčy zavod na hazavym radoviščy Paŭdniovy Pars u Iranie paśla ŭdaru izrailskaha bieśpiłotnika, 14 červienia 2025 hoda. Fota: IRIB via AP

Izrail ciaham niekalkich miesiacaŭ pierapraŭlaŭ zapčastki dla sotniaŭ kvadrakoptaraŭ, načynienych vybuchoŭkaj, — u čamadanach, hruzavikach i kantejnierach, — a taksama bojeprypasy, jakija mahli zapuskacca ź bieśpiłotnych płatformaŭ, paviedali The Wall Street Journal ludzi, znajomyja z apieracyjaj.

Nievialikija hrupy, uzbrojenyja hetym abstalavańniem, raźmiaścilisia pobač ź iranskimi sistemami supraćpavietranaj abarony i puskavymi ŭstanoŭkami dla rakiet. Kali ataka Izraila pačałasia, častka hetych hrup źniščała supraćpavietranuju abaronu, u toj čas jak inšyja ŭdaryli pa rakietnych ustanovačnych kompleksach u momant, kali tyja vyjazdžali sa schoviščaŭ i rychtavalisia da zapusku.

Heta apieracyja častkova tłumačyć abmiežavany charaktar adkazu Irana na izrailskija ataki. 

Hety pryjom byŭ vykarystany praź niekalki tydniaŭ paśla taho, jak Ukraina zadziejničała padobnuju taktyku: drony, schavanyja ŭ dachach kantejnieraŭ, byli pierakinuty ŭ Rasiju i atakavali dziasiatki samalotaŭ, jakija vykarystoŭvalisia dla napadaŭ na ŭkrainskija harady.

Apieracyja izrailskaj raźviedki «Masad» była nakiravanaja na źniščeńnie pahroz dla izrailskaj avijacyi i rakiet, pierš čym tyja mahli być zapuščany pa haradach. Pavodle adnoj z krynic WSJ, hrupy na miescy źniščyli dziasiatki rakiet jašče da ich zapusku ŭ pieršyja hadziny ataki. Vajenna-pavietranyja siły Izraila taksama nadavali asablivuju ŭvahu źniščeńniu SPA i rakiet u pieršyja dni kampanii.

U vyniku Iran vypuściŭ kala 200 rakiet pa Izraili. Adnak Iran maje značna bolšyja resursy, jakija moža vykarystać dla bolš surjoznych napadaŭ.

U subotu ŭ niekatorych iranskich hazietach źjaviłasia papiaredžańnie ad iranskaj raźviedki z zaklikam pilna sačyć za mahčymym vykarystańniem Izrailem pikapaŭ i hruzavikoŭ dla zapusku dronaŭ.

Drony rehularna vykarystoŭvajucca Izrailem u Iranie. U 2022 hodzie jon vykarystaŭ kvadrakoptary z vybuchoŭkaj dla ataki na vytvorčaść iranskich dronaŭ u Kiermanšachu. Praz hod — atakavaŭ z dronaŭ bojeprypasny zavod u Isfachanie.

Padrychtoŭka da ciapierašniaj apieracyi z vykarystańniem dronaŭ išła hadami. Izrail viedaŭ, dzie Iran zachoŭvaje rakiety ŭ stanie hatoŭnaści, ale treba było atrymać mahčymaść udaryć pa ich z ulikam vialikaj terytoryi krainy i jaje addalenaści ad Izraila.

«Masad» pierapraŭlaŭ kvadrakoptary praz kamiercyjnyja kanały, časam z dapamohaj ludziej, jakija ničoha nie padazravali. Ahienty na miescy zabirali bojeprypasy i pieradavali ich hrupam. Lidary hetych hrup prachodzili padrychtoŭku ŭ trecich krainach, a zatym navučali svaje kamandy.

Hrupy nazirali za tym, jak Iran vykočvaŭ rakiety, i ŭdarali pa ich, pierš čym tyja mahli być ustalavany dla zapusku. «Masad» viedaŭ, što hruzaviki, jakija pieravoziać rakiety da puskavych ustanovak, — heta słaboje miesca: Iran mieŭ u čatyry razy bolš rakiet, čym mašyn dla ich transparciroŭki.

Hrupy źniščyli dziasiatki takich hruzavikoŭ. Jany praciahvali dziejničać na miescy navat u hłybokuju noč na piatnicu.

Hetyja apieracyi — i publičnaje raskryćcio infarmacyi pra ich — majuć i dadatkovy efiekt, adznačyła Sima Šajn, byłaja kiraŭnica iranskaha departamienta «Masada»:

«Nivodzin čałaviek u iranskaj elicie nie moža być upeŭnieny, što izrailskaja raźviedka nie viedaje pra jaho i što jon nie stanie cellu», — skazała jana. — «Sprava nie tolki ŭ naniesienaj škodzie, ale i ŭ niervovaści, jakuju heta vyklikaje».

Kamientary1

  • Josik
    15.06.2025
    Jak uzbudzilisia rasiejskija pisaki ŭ telehramie, patrabujučy ad svaich uładaŭ taki ž scenar udaraŭ pa Ukrainie - nikoha nie pytajemsia, ni na koha nie hladzim. Ale ž roźnica ŭ tym, što vam Ukraina nie pahražała, nie ŭkrainskija vajskoŭcy rychtavali svaju paradnuju formu dla prachodu pa čyrvonaj płoščy ŭ Maskvie. Nie treba błytać napadnickuju vajnu suprać Ukrainy i abaronu svajoj krainy ad ahresiŭnaha susieda relihijnaha fanatyka.

Ciapier čytajuć

Izrailski avijaŭdar pierarvaŭ efir dziaržteleradyjo Irana. Štab-kvatera TV źniščanaja VIDEA9

Izrailski avijaŭdar pierarvaŭ efir dziaržteleradyjo Irana. Štab-kvatera TV źniščanaja VIDEA

Usie naviny →
Usie naviny

Piać faktaŭ pra novaha pres-sakratara MZS, jaki chamavataściu kosić pad Maryju Zacharavu10

Ministr abarony Izraila pryhraziŭ, što žychary Tehierana chutka zapłaciać za iranskija ataki na žyłyja kvartały2

Jak daviedacca, ci apyrskvali kłubnicy: adzin prosty sposab raskryje praŭdu4

Biełarusy mohuć admovicca ad niekatorych kamunalnych pasłuh3

«Žaleznaja zasłona vakoł našaj krainy». Biełarusam usio ciažej atrymać polskija vizy25

«My baimsia zastacca na vulicy». Biełaruska ź dziciem nie moža vylecieć z Dubaja paśla admieny rejsa Fly Dubai1

Kiraŭnikom brytanskaj raźviedki ŭpieršyniu ŭ historyi stanie žančyna — Blejz Mietrevieli1

Biełarus buduje niezvyčajnyja damki na kołach — novy farmat lecišča6

Biełarus ź izrailskaha Bat-Jama pakazaŭ svajo žyllo paśla ŭdaru iranskich rakiet11

bolš čytanych navin
bolš łajkanych navin

Izrailski avijaŭdar pierarvaŭ efir dziaržteleradyjo Irana. Štab-kvatera TV źniščanaja VIDEA9

Izrailski avijaŭdar pierarvaŭ efir dziaržteleradyjo Irana. Štab-kvatera TV źniščanaja VIDEA

Hałoŭnaje
Usie naviny →

Zaŭvaha:

 

 

 

 

Zakryć Paviedamić