«Ramzes treci pieraradziŭsia ŭ Viciebsku».
Niezvyčajny dom z hałavoj śfinksa ŭ Viciebskim rajonie pryciahvaje ŭvahu prajezdžych.
Adzin ź ich źniaŭ dom na videa i vykłaŭ u tyktoku. U kamientarach mnohija žartujuć.
«Ja nikomu nie skažu što adpačyŭ u Jehipcie, ale znaki buduć».
«Viciebsk vyvučany na 1%».
«Ramzes treci pieraradziŭsia ŭ Viciebsku».
«Kali ty — fanat Staražytnaha Jehipta, ale los zakinuŭ ciabie kudyści pad Viciebsk».
Hetaha śfinksa na domie nasamreč pabudavali jašče ŭ 2010 hodzie. Znachodzicca jon u sadovym tavarystvie «Budaŭnik» pad Viciebskam. Ułaśnik doma Rusłan Kuščyn raskazvaŭ raniej u intervju, što razdumvaŭ, jak by ŭpryhožyć dom:
«Spačatku chacieŭ zrabić čerap: ja ž matacyklist, a heta nieadjemny simvał bajkieraŭ. Ale žonka była kateharyčna suprać. Tady pačaŭ pierabirać, što jašče moža padyści, kab i pa formie možna było da doma dałučyć, i pamiaškańnie było narmalnaje, prydatnaje dla žyćcia. Tak i źjaviŭsia śfinks. Ni z pajezdkami ŭ Jehipiet, ni z prahladam tematyčnaj pieradačy heta nie źviazana. Prosta jon dobra padychodzić dla budoŭli. I žonka ad idei była ŭ zachapleńni.
Spačatku dumaŭ zrabić śfinksa takim, jakim jon dajšoŭ da našych dzion: biez nosa, absypanaha. Karaciej, pabitaha žyćciom i francuzami. Ale Iryna znoŭ paŭpłyvała na płany: skazała, joj taki vyradak nie patrebny. Pryjšłosia pałazić u internecie i adšukać malunak, jak jon moh vyhladać raniej».
Technałohiju vyrabu składanaha pa formie pamiaškańnia haspadaru nichto nie padkazvaŭ. Dačnaha śfinksa Rusłan budavaŭ razam z dvuma synami.
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m15
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1111
Kamientary