«Рамзэс трэці перарадзіўся ў Віцебску».
Незвычайны дом з галавой сфінкса ў Віцебскім раёне прыцягвае ўвагу праезджых.
Адзін з іх зняў дом на відэа і выклаў у тыктоку. У каментарах многія жартуюць.
«Я нікому не скажу што адпачыў у Егіпце, але знакі будуць».
«Віцебск вывучаны на 1%».
«Рамзэс трэці перарадзіўся ў Віцебску».
«Калі ты — фанат Старажытнага Егіпта, але лёс закінуў цябе кудысьці пад Віцебск».
Гэтага сфінкса на доме насамрэч пабудавалі яшчэ ў 2010 годзе. Знаходзіцца ён у садовым таварыстве «Будаўнік» пад Віцебскам. Уласнік дома Руслан Кушчын расказваў раней у інтэрв'ю, што раздумваў, як бы ўпрыгожыць дом:
«Спачатку хацеў зрабіць чэрап: я ж матацыкліст, а гэта неад'емны сімвал байкераў. Але жонка была катэгарычна супраць. Тады пачаў перабіраць, што яшчэ можа падысці, каб і па форме можна было да дома далучыць, і памяшканне было нармальнае, прыдатнае для жыцця. Так і з'явіўся сфінкс. Ні з паездкамі ў Егіпет, ні з праглядам тэматычнай перадачы гэта не звязана. Проста ён добра падыходзіць для будоўлі. І жонка ад ідэі была ў захапленні.
Спачатку думаў зрабіць сфінкса такім, якім ён дайшоў да нашых дзён: без носа, абсыпанага. Карацей, пабітага жыццём і французамі. Але Ірына зноў паўплывала на планы: сказала, ёй такі вырадак не патрэбны. Прыйшлося палазіць у інтэрнэце і адшукаць малюнак, як ён мог выглядаць раней».
Тэхналогію вырабу складанага па форме памяшкання гаспадару ніхто не падказваў. Дачнага сфінкса Руслан будаваў разам з двума сынамі.
Цяпер чытаюць
Лосік расказаў, як Бабарыку катавалі ў наваполацкай калоніі15
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1010
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х10
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары