Jak stała viadoma Biełaruskaj asacyjacyi žurnalistaŭ, 4 sakavika Minski haradski sud vynies prysud muzyku, daśledčyku i radyjoviadoŭcu Alehu Chamienku. Jaho pryznali vinavatym pavodle artykuła 361—4 Kryminalnaha kodeksa — «Sadziejničańnie ekstremisckaj dziejnaści».
U vinu Alehu Chamienku pastavili stałuju supracu z redakcyjaj «Biełaruskaje Radyjo Racyja».
Jaho prysudzili da 3 hadoŭ pazbaŭleńnia voli i dali bujny štraf — bolš za 20 tysiač rubloŭ.
Aleh Chamienka byŭ zatrymany ŭ Minsku 17 červienia 2025 hoda paśla pieratrusu ŭ jahonaj kvatery. Spačatku na padstavie administracyjnaha abvinavačańnia jaho źmiaścili ŭ IČU na Akreścina, a napačatku lipienia stała viadoma, što suprać radyjoviadoŭcy raspačali kryminalnuju spravu i jaho pieraviali ŭ śledčy izalatar № 1 u Kaladzičach. 9 lipienia 2025 hoda biełaruskaja pravaabarončaja supolnaść pryznała Aleha Chamienku palityčnym viaźniem.
58‑hadovy Aleh Chamienka ličycca stvaralnikam kirunku fołk-madern u biełaruskaj sučasnaj muzycy i źjaŭlajecca lidaram viadomaha hurta «Pałac».
«Pałac» Chamienka zasnavaŭ u 1992 hodzie. Z 1998 hoda, paśla adychodu adnaho z udzielnikaŭ, jon staŭ mastackim kiraŭnikom kalektyvu i nadalej praciahvaje kiravać im. Taksama jon vystupaje solna, biez hurta.
U składzie «Pałaca» zdymaŭsia ŭ mastackim filmie «Anastasija Słuckaja» i źjaŭlaŭsia ŭ sieryjale «Vyšej za nieba».
Akramia sceničnaj dziejnaści, Chamienka aktyŭna pracavaŭ na telebačańni i radyjo. U 2003—2004 hadach jon byŭ aŭtaram i viadoŭcam teleprahramy «Nastaŭnickaja». Byŭ viadoŭcam pieradačy «Brama isnaści» na «Aŭtaradyjo», jakaja spyniła viaščańnie ŭ 2011 hodzie. Doŭhi čas vioŭ radyjoviersiju chit-paradu «Tuzin Hitoŭ», a taksama aŭtarskuju prahramu «Fołk brama» na radyjo «Racyja».
Radyjo «Racyja» robiać biełarusy Polščy, jano viaščaje ŭ Biełastoku na biełaruskaj movie.
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała22
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary