U Homieli klijent vypadkova prycisnuŭ svajoj mašynaj supracoŭnika aŭtaservisu. Toj doŭha lačyŭsia
U servisny centr viadomaha aŭtamabilnaha brenda ŭładalnik aŭtamabila pryjechaŭ ź niaspraŭnymi tarmazami. Kab vyśvietlić pryčynu pałomki, mašynu treba było zahnać na padjomnik. Niaščasny vypadak adbyŭsia praz parušeńnie pravił biaśpieki padčas hetaha pracesu, paviedamlaje vydańnie «Biełka».
Pa praviłach zahaniać aŭto na padjomnik pavinien majstar, jaki pracuje na źmienie. Adnak takoha śpiecyjalista na stancyi doŭhi čas nie było, i miechaniki vymušanyja byli spraŭlacca samastojna. Pakolki supracoŭnik časta zastavaŭsia ŭ cechu adzin, mašyny na padjomnik zahaniali sami klijenty, choć heta i zabaroniena.
Tak zdaryłasia i ŭ toj dzień. Kiroŭca pajechaŭ da padjomnika, a ślesar staŭ pierad aŭtamabilem, kab dapamahčy vyraŭniać ruch. U niejki momant uładalnik rezka nacisnuŭ na haz, a tarmazy nie spracavali. U vyniku mašyna pieralacieła praz abmiežavalniki, upała ŭniz i prycisnuła ślesaru nohi.
Paciarpieły doŭha lačyŭsia, niekalki miesiacaŭ chadziŭ na mylicach. Mahčyma, jamu ŭ budučyni spatrebicca apieracyja pa zamienie kalennaha sustava. U dačynieńni da 28‑hadovaha klijenta sabrali dokazy pa spravie ab pryčynieńni mienš ciažkich cialesnych paškodžańniaŭ pa nieaściarožnaści. Materyjały pieradadzieny ŭ sud.
Pakarańnie pa hetym artykule praduhledžvaje aryšt abo abmiežavańnie svabody da dvuch hadoŭ.
Apošni instruktaž pa technicy biaśpieki na hetym pradpryjemstvie pravodziŭsia za čatyry hady da zdareńnia.
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny22
Kamientary