Prezident ZŠA Donald Tramp zajaviŭ, što situacyja va Ukrainie «całkam vyjšła z-pad kantrolu». Pra heta jon skazaŭ padčas zakrytaj sustrečy ź lidarami krain NATA, paviedamiła krynica vydańnia Bloomberg.
Pavodle słoŭ krynicy, Tramp adznačyŭ, što treba niešta rabić, choć i nie ŭdakładniŭ, što mienavita. Jahonyja słovy byli ŭspryniatyja jak pazityŭny sihnał u bok Ukrainy.
Publična Tramp zajaviŭ, što hatovy razhledzieć pieradaču Ukrainie dadatkovych sistem supraćpavietranaj abarony Patriot. Jon pryznaŭ, što ZŠA taksama patrebnyja hetyja kompleksy, u tym liku dla padtrymki Izraila, ale vykazaŭ nadzieju, što mahčymaść dapamahčy znojdziecca i dla Kijeva. Adnak jon nie ŭdakładniŭ, ci praciahniecca vajskovaja padtrymka Ukrainy ŭvohule.
Tramp taksama prakamientavaŭ svajo raniejšaje vykazvańnie pra toje, što «skončyć vajnu za 24 hadziny». Pavodle jaho słoŭ, heta byŭ sarkazm. Jon pryznaŭ, što vajna akazałasia značna składaniejšaj, čym inšyja kanflikty, i nazvaŭ rasijskaha prezidenta Uładzimira Pucina «vielmi składanym čałaviekam», a taksama adznačyŭ, što i z prezidentam Ukrainy Uładzimiram Zialenskim «byli prablemy».
Tramp skazaŭ, što, na jaho dumku, Pucin sapraŭdy choča spynić vajnu, ź jakoj «nie moža vybracca». Jon nazvaŭ situacyju «biesparadkam» dla Rasii i zajaviŭ, što vielmi ździŭleny — mierkavaŭ, što vyrašyć usio budzie lahčej:
«Jon chacieŭ by vyjści z hetaj situacyi. Dla jaho heta biesparadak… Ja liču, što jon — čałaviek, jaki prosta zabłytaŭsia. Na samaj spravie ja vielmi ździŭleny. Ja dumaŭ, my lohka ŭsio ŭładzim».
Taksama jon paviedamiŭ, što maje namier znoŭ parazmaŭlać z Pucinym, ale kali — nie ŭdakładniŭ. Pavodle jaho słoŭ, Zialenski 25 červienia taksama vykazaŭ žadańnie, kab vajna skončyłasia jak maha chutčej.
Tramp: Mahčyma, Pucin maje terytaryjalnyja pretenzii za miežami Ukrainy
Z zajavy pa vynikach samitu NATA vyklučyli krytyku Rasii i abiacańnie pryniać u aljans Ukrainu
Rubia pra sankcyi suprać Rasii: Tramp viedaje pravilny čas i miesca dla ich uviadzieńnia
Zialenski ŭpieršyniu źjaviŭsia na samicie NATO ŭ kaściumie — ale nie ŭ kłasičnym
Ciapier čytajuć
Za padpisku na kanały treš-błohiera Mełstroja ciapier buduć karać5
Za padpisku na kanały treš-błohiera Mełstroja ciapier buduć karać
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie10
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary