Rubia pra sankcyi suprać Rasii: Tramp viedaje pravilny čas i miesca dla ich uviadzieńnia
Dziaržsakratar ZŠA Marka Rubia zajaviŭ u intervju Politico, što novyja sankcyi suprać Rasii mohuć naškodzić patencyjnym pieramovam.
Uładzimir Zialenski i inšyja jeŭrapiejskija lidary spadziajucca pierakanać Trampa ŭ sieradu, padčas samitu NATA ŭ Haazie, uvieści novyja sankcyi suprać Rasii, bo Uładzimir Pucin nieadnarazova adchilaŭ amierykanskija prapanovy ab spynieńni ahniu.
«Kali my zrobim toje, čaho ŭsie tut ad nas chočuć, a mienavita kab ŭmiašalisia i razhramili ich novymi sankcyjami, my, vierahodna, stracim mahčymaść vieści ź imi pieramovy ab spynieńni ahniu, i chto tady budzie ź imi razmaŭlać?» — skazaŭ Rubia.
Jon dadaŭ, što Tramp «viedaje pravilny čas i miesca» dla novych ekanamičnych mieraŭ. Pavodle słoŭ Rubia, prezidenckaja administracyja pracuje z Kanhresam, kab zabiaśpiečyć Trampu adpaviednuju hnutkaść.
Ale kali ZŠA vyrašać uvieści sankcyi, dadaŭ jon, heta značyć, što akno dla pieramovaŭ z Rasijaj, vierahodna, zakryjecca.
«Kali jon heta zrobić, heta budzie amal pryznańniem taho, što bližejšym časam pieramovy nie adbuducca», — skazaŭ Rubia.
«My budziem praciahvać uzajemadziejańnie. U tym sensie, što kali ŭ nas źjavicca mahčymaść štości źmianić i prymusić ich sieści za stoł pieramovaŭ, my joju skarystajemsia», — dadaŭ dziaržsakratar ZŠA.
Pakolki pieramovy z Rasijaj zajšli ŭ tupik, Rubia zajaviŭ, što Maskva ličyć, što moža dasiahnuć svaich terytaryjalnych metaŭ na poli boju — z čym Vašynhton nie zhodny.
«Naša adčuvańnie takoje, što rasijanie buduć sprabavać dasiahnuć na poli boju taho, čaho jany patrabavali za stałom pieramovaŭ, a mienavita zachavańnia administracyjnych miežaŭ peŭnych terytoryj i h.d. My ličym, što im budzie značna ciažej dasiahnuć hetaha, čym jany dumajuć», — dadaŭ Rubia.
Ciapier čytajuć
Deputat Kliševič staŭ kandydatam histaryčnych navuk z dysiertacyjaj pra razłažeńnie biełaruskaha kamsamoła ŭ časy «pierabudovy»7
Deputat Kliševič staŭ kandydatam histaryčnych navuk z dysiertacyjaj pra razłažeńnie biełaruskaha kamsamoła ŭ časy «pierabudovy»
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary
Ot jak cikava atrymlivajecca! Pieramovy zajšli ŭ tupik, ale treba praciahvać pieramovy?!... Tym časam ludzi hinuć, čym dalej buduć praciahvacca sproby "pieramovaŭ", tym bolej budzie zabitych. A jak ža šmatlikija zajavy Trampa pra imknieńnie spynić zabojstvy?
Adzinaje vidavočnaje vyjście z tupika - vykinuć, vybić rašystaŭ z Ukrainy. Ale Tramp paražeńnia Rasii jaŭna nie choča, bo płanuje paśla "kampramisnaha" zakančenńnia vajny dobra pažyvicca za košt rasijskich enierha- dy inšych resursaŭ, zładziŭšy ŭhodu z "siabram Uładzimiram". Adnak u vypadku paražeńnia Rasii z "detranizacyjaju" Pucina situacyja ŭ Rasii moža zrabicca dla biznesmiena Trampa całkam niepradkazalnaju.
Voś i vychodzić u Trampa na adzin dzień siem pieramien - byccam i vajnu choča skončyć, i "siabra Ŭładzimira" nie pakryŭdzić. A Ŭkraina..., dy Boh ź joju, z Ukrainaju.