Siońnia projdzie losavańnie čempijanatu śvietu pa futbole. Upieršyniu ŭ im voźmie ŭdzieł 48 kamandaŭ
Čempijanat śvietu pa futbole ŭ 2026 hodzie ŭpieršyniu ŭ historyi projdzie ŭ troch krainach: ZŠA, Mieksicy i Kanadzie.
Cyrymonija projdzie ŭ Vašynhtonie i pačniecca a 18‑j pa Minsku, a samo losavańnie hrupaŭ adbudziecca niedzie a 20-j.
U čempijanacie śvietu voźmie ŭdzieł 48 zbornych, z 1998 hoda było 32 kamandy, a pierad hetym — 24. 48 zbornych buduć raźmierkavanyja na 12 hrupaŭ pa čatyry kamandy ŭ kožnaj.
Biada ŭ tym, što viadomyja tolki 42 zbornyja, što prabilisia na mundyjal, jašče čatyry ź Jeŭropy i čatyry ź mižkantynientalnych stykaŭ vyznačacca ŭ sakaviku.
Pierad losavańniem zbornyja raźmierkavanyja pa čatyroch košykach. U asobnaj hrupie budzie pa adnoj zbornaj z kožnaha košyka. Pryčym u hrupie budzie minimum pa adnoj družynie ź Jeŭropy, ale nie bolš za dźvie zbornyja ź Jeŭropy (usiaho ŭ kantynienta — 16 kvotaŭ).
Košyk 1: Kanada, Mieksika, ZŠA, Ispanija, Arhiencina, Francyja, Anhlija, Brazilija, Partuhalija, Niderłandy, Bielhija, Hiermanija.
Košyk 2: Charvatyja, Maroka, Kałumbija, Uruhvaj, Šviejcaryja, Japonija, Sieniehał, Iran, Respublika Kareja, Ekvador, Aŭstryja, Aŭstralija.
Košyk 3: Narviehija, Panama, Jehipiet, Ałžyr, Šatłandyja, Parahvaj, Tunis, Kot-dJIvuar, Uźbiekistan, Katar, Saudaŭskaja Aravija, PAR.
Košyk 4: Ijardanija, Kaba-Vierde, Hana, Kiurasaa, Haici, Novaja Ziełandyja, jeŭrapiejski płej-of — šlach A (Italija/Paŭnočnaja Irłandyja/Uels/Bośnija i Hiercahavina), jeŭrapiejski płej-of — šlach B (Ukraina/Šviecyja/Polšča/Ałbanija), jeŭrapiejski płej-of — šlach C (Turcyja/Rumynija/Słavakija/Kosava), jeŭrapiejski płej-of — šlach D (Danija/Paŭnočnaja Makiedonija/Čechija/Irłandyja), mižkantynientalnyja stykavyja matčy — šlach 1 (Novaja Kaledonija/Jamajka/DR Konha), mižkantynientalnyja stykavyja matčy — šlach 2 (Balivija/Surynam/Irak).
U 1/16 finału vyjduć pa dźvie lepšyja kamandy z hrupy (24 zbornyja), a taksama lepšyja vosiem zbornych z 12, što zojmuć trecija miescy ŭ hrupach.
Čempijanat śvietu projdzie ŭpieršyniu ŭ troch krainach — ZŠA, Mieksicy i Kanadzie — z 11 červienia pa 19 lipienia 2026 hoda. Finał budzie razyhrany ŭ Ist-Ruterfordzie (Ńju-Džersi).
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku22
Kamientary