Biełarusy ŭ Polščy zajmajuć druhoje miesca siarod inšaziemcaŭ pavodle ipatečnych kredytaŭ
Zamiežnyja hramadzianie ŭsio čaściej biaruć u Polščy bankaŭskija kredyty i, jak praviła, na bolšyja sumy, čym palaki. Pavodle vydańnia Puls Biznesu, ad studzienia da kanca kastryčnika banki dali im kredytaŭ na 7,65 miljarda złotych (1,81 miljarda jeŭra) tolki ŭ siehmiencie ipateki, paviedamlaje Biełaruskaja słužba Polskaha radyjo.
Uvieś partfiel kredytaŭ, vydadzienych inšaziemcam, ciapier aceńvajecca amal u 29 miljardaŭ złotych (6,89 miljarda jeŭra) i praciahvaje pavialičvacca. Ipatečnyja pazyki składajuć 82 % hetaha abjomu, jašče 14 % — spažyvieckija kredyty.
«My bačym pastajanny rost doli zamiežnikaŭ na rynku ipateki. Ciapier heta amal 10 % pavodle abjomu vydadzienych kredytaŭ. U vypadku spažyvieckich pazyk — kala 2,5 %», — adznačyŭ Słavamir Žybek ź Biuro kredytnaj infarmacyi.
Tolki sioleta banki dali inšaziemcam kredyty na 11,63 miljarda złotych: 7,65 miljarda — ipateka (+42 % h/h), 2,57 miljarda — spažyvieckija kredyty (+46 %), 1,42 miljarda — inšyja (+57 %).
Siaredniaja suma ipateki ŭ inšaziemca — 513 tysiač złotych, u toj čas jak u palaka — 449 tysiač złotych. Najbolšyja kredyty atrymlivajuć indyjcy, a siarod biełarusaŭ siaredni ipatečny kredyt składaje kala 600 tysiač złotych. Heta ździŭlaje analitykaŭ, bo značnuju častku zamiežnych rabotnikaŭ składajuć ukraincy, jakija čaściej vykonvajuć mienš apłatnyja pracy.
U Polščy ciapier pracuje kala 1,1 miljona inšaziemcaŭ — na 5,5 % bolš, čym letaś. U bazach Biuro kredytnaj infarmacyi ŭžo 321 tysiača zamiežnych pazyčalnikaŭ: 227 tysiač ukraincaŭ, 31 tysiača biełarusaŭ i 63 tysiačy pradstaŭnikoŭ inšych krain.
«Hiermanija nie daje trevieł-dok — maŭlaŭ, mianie nie pieraśledavali, choć byli sutki i danaty». Jak žyvuć biez pašpartoŭ
U Rasii z-za «efiektu Dolinaj» 3000 siemjaŭ zastalisia biez žylla. Ci varta bajacca biełarusam?
«Kali zamierźniecie — zachodźcie da nas pahrecca». Biblijatekarka z Mahilova raskazała, jak zmahła znajści siabie ŭ prafiesii ŭ Polščy
Biełarusbank praciahnuŭ akcyju pa kredytach na novabudoŭli
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Kamientary
Vysoka adukavanyja , prafiesijnyja vyšiej za siaredniaha . Abmierkavaŭši svaje dziejańnia rabili hyty krok . Tym bolš što pamiž palakami i biełarusami niama kryvavaj Vałyni . A źmiešanych siamiej na praciahu vakoŭ šmat . Ŭ niekatorych vypadkach ŭžo ciažka vyjavić , ci biełarus , ci palak . Dy i movy vielimi padobnyja . Tamu ( na moj pohlad ) polskija ułady bolš spryjajuć biełarusam .