Irłandziec Lijam O’Chana z hrupy Kneecap pavinien paŭstać pierad sudom pa abvinavačvańni ŭ padtrymcy teraryzmu. Jak śćviardžajecca, na kancercie ŭ Łondanie jon razmachvaŭ ściaham terarystyčnaj hrupoŭki «Chiezbała», piša Bild.
Heta, zhodna z brytanskim zakonam ab baraćbie z teraryzmam, źjaŭlajecca kryminalnym złačynstvam.
Heta nie pieršy raz, kali skandalnyja repiery ź irłandskaha trya pravakavali svajoj krytyčnaj pazicyjaj u adnosinach da Izraila.
Adnak incydent, jaki adbyŭsia ŭ listapadzie minułaha hoda, zaraz pryciahnuŭ uvahu brytanskich uładaŭ: łondanskaja palicyja pačała vyvučać novyja kampramietujučyja videazapisy.
U hetych rolikach udzielniki Kneecap nibyta kryčali: «Niachaj žyvie CHAMAS, niachaj žyvie Chiezbała!». Taksama paviedamlajecca, što hučali zakliki da zabojstvaŭ palitykaŭ.
U krasaviku hrupa znoŭ pryciahnuła da siabie ŭvahu skandalnym vystupleńniem na fiestyvali Coachella. Na ekranie za scenaj milhali łozunhi typu «F***ck Israel, Free Palestine», a vakalist nazvaŭ dziejańni Izraila suprać terarystaŭ CHAMAS «hienacydam» — pry hetym u jaho na šyi była zaviazanaja kufija.
Muzyki rehularna vychodziać na scenu z paleścinskimi ściahami. U studzieni 2021 hoda trya pryniało ŭdzieł u akcyi Ireland Palestine Solidarity Campaign, u miežach jakoj bolš za 1000 irłandskich artystaŭ zaklikali da bajkotu Izraila.
Arhanizatary inšych fiestyvalaŭ Hurricane i Southside ŭžo admianili zapłanavanyja vystupleńni Kneecap u suviazi z hetym skandałam. U Anhlii hučać usio bolš hučnyja zakliki vyklučyć hrupu sa śpisu ŭdzielnikaŭ znakamitaha fiestyvalu Glastonbury.
U svaim apraŭdańni hrupa zajaviła, što «nikoli nie padtrymlivała CHAMAS abo Chiezbału». Repiery abvinavacili «pradstaŭnikoŭ isteblišmientu» ŭ tym, što jany «vyrvali ich kamientary z kantekstu, kab vyklikać maralnuju isteryju».
-
Fłaviu Bałsanaru abychodzić Łułu da Siłvu na vybarach prezidenta Brazilii
-
Paŭnočnaja Kareja spyniła jadziernyja vyprabavańni šmat hadoŭ tamu. Ale pad ziamloj niešta praciahvajecca
-
Jemien abviaściŭ maštabnuju vajnu chusitam: 100‑tysiačnaja armija pry padtrymcy Saudaŭskaj Aravii pasprabuje viarnuć kantrol nad Čyrvonym moram
Ciapier čytajuć
Što ciapier ź italjanskimi vizami? Masavyja admovy? Turfirmy nazyvajuć alternatyvu6
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary