Supracoŭniki MUS na Dzień Niezaležnaści 3 lipienia buduć nieści słužbu va ŭzmocnienym režymie. Pra heta žurnalistam raskazaŭ načalnik hałoŭnaha ŭpraŭleńnia achovy hramadskaha paradku i prafiłaktyki milicyi hramadskaj biaśpieki MUS Alaksandr Kupčenia, piša BiełTA.
«Rašeńniem ministra ŭnutranych spraŭ asabovy skład budzie pieraviedzieny na ŭzmocnieny varyjant niasieńnia słužby. Słužbu budziem nieści jak u formie, tak i ŭ hramadzianskim adzieńni. Usie miescy praviadzieńnia masavych mierapryjemstvaŭ buduć uziaty pad naš kantrol, u tym liku z vykarystańniem mahčymaściej respublikanskaj sistemy manitorynhu hramadskaj biaśpieki», — skazaŭ Alaksandr Kupčenia.
Taksama buduć uzmocnieny miery biaśpieki na abjektach transpartu i ŭ inšych miescach masavaha znachodžańnia hramadzian.
«U metach zabieśpiačeńnia biaśpieki na śviatočnych łakacyjach budzie arhanizavana rabota kantrolna-prapusknych punktaŭ z nadhladam hramadzian i ich rečaŭ z vykarystańniem, u tym liku, mietaładetektaraŭ», — raskazaŭ Alaksandr Kupčenia. Dla vieteranaŭ, ludziej ź invalidnaściu i hramadzian z małaletnimi dziećmi buduć praduhledžany asobnyja punkty propusku.
U režymnuju zonu nie buduć dapuščany asoby z zabaronienymi pradmietami.
Alaksandr Kupčenia adznačyŭ, što pablizu miescaŭ praviadzieńnia śviatočnych mierapryjemstvaŭ ruch transpartnych srodkaŭ budzie abmiežavany. U asobnych miescach buduć źmienieny maršruty ruchu hramadskaha transpartu.
Ciapier čytajuć
Piać mutnych momantaŭ u historyi pra danosčyka Bialucina i «śpiecapieracyju» KDB7
Piać mutnych momantaŭ u historyi pra danosčyka Bialucina i «śpiecapieracyju» KDB
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami77
Kamientary