U Azierbajdžanie zrabili ekśpiertyzu śmierci bratoŭ, jakija zahinuli ŭ Jekaciarynburhu pry zatrymańni
Pryčynaj śmierci nazvanyja ciažkija traŭmy.
Hienieralny dyrektar Abjadnańnia sudova-miedycynskaj ekśpiertyzy i patałahičnaj anatomii Ministerstva achovy zdaroŭja, prafiesar Adalat Hasanaŭ abnarodavaŭ vyniki ekśpiertyzy ciełaŭ zabitych u Jekacierynburhu bratoŭ-azierbajdžancaŭ, pieradaje APA.
Zhodna z zaklučeńniem ekśpiertyzy, pry vonkavym i ŭnutranym ahladzie cieł byli vyjaŭleny šmatlikija traŭmy.
«Ni adzin z bratoŭ nie byŭ zabity vostrym pradmietam abo ahniastrelnaj zbrojaj, byli naniesienyja ŭdary tupym pradmietam», — udakładniŭ Hasanaŭ.
Hasanaŭ paviedamiŭ, što ŭčora ŭviečary cieły byli dastaŭleny. Ahlad ciełaŭ zaviaršyŭsia kala poŭnačy:
«Padčas ekśpiertyzy my vyjavili ŭ Safarava Husiejna Miechdzi vonkavyja i ŭnutranyja traŭmy. Majecca pierałom kostak, defarmacyja hrudnoj kletki. U vobłaści vakoł voka — vialikaja hiematoma, jakaja pačynajecca ad skroni, na ślizistaj abałoncy vierchniaj i nižniaj hub — krovapadcioki, drapiny ŭ vobłaści nadbroŭjaŭ z pravaha i levaha boku iłba, krovapadcioki na zadniaj pavierchni hrudnoj kletki, u vobłaści pravaj łapatki, na vierchnich kaniečnaściach. Taksama vyjaŭleny krovapadcioki ŭ vobłaści pachviny, na nižnich kaniečnaściach i ściohnach — krovapadcioki i drapiny».
U inšaha zahinułaha Zijadzina Safarava vyjaŭlenyja hiematomy, ranki i siniaki «amal na ŭsim ciele». Hrudnaja kletka defarmavanaja, jość paškodžańni ŭ vobłaści pałavych orhanaŭ, hiematomy ŭ vobłaści nyrak. «Adnaho rabra [u Zijadzina Safarava] zusim nie akazałasia, astatnija častkova złamanyja», — piša Minval.
U Rasii pryčynaj śmierci mužčyny była paznačanaja «chvaroba serca».
Čamu znoŭ sapsavalisia adnosiny pamiž Rasijaj i Azierbajdžanam. Źjaŭlajucca detali spravy
U Azierbajdžanie pakazali, jak zatrymlivali kiraŭnikoŭ miascovaha filijała rasijskaha «Sputnika» VIDEA
U Baku palicyja pryjšła ŭ ofis «Sputnik Azierbajdžan»
Azierbajdžan admianiŭ u krainie ŭsie rasijskija kulturnyja mierapryjemstvy
Ciapier čytajuć
Zavadčanin Ihar, jaki viartaŭsia dadomu buchim, upieršyniu ŭ žyćci jedzie za miažu. A jašče jon chałasty8
Kamientary