Biełaruska raskazała, kolki zapłaciła, kab chutčej dajechać da Polščy na aŭtobusie
Biełaruska padrabiazna raskazała ŭ tyktoku pra čarhu na miažy Biełarusi z Polščaj 1 lipienia. «Raźličvajcie hadzin na 30 minimum», — raić jana ŭsim, chto padarožničaje na aŭtobusach.
Žančyna vyjechała ź Minska 30 červienia z zatrymkaj: zamiest 20-j hadziny — a 22-j.
«Na miažy my byli ŭ dźvie hadziny nočy (1 lipienia). Nie zajazdžali ŭ Brest i Baranavičy. Aŭtobus byŭ paŭpusty. Na miažy my byli 65-ja ŭ čarzie (kali chto razumieje, heta navat nie dajazdžajučy da zapraŭki). Mnie stała zrazumieła, što treba pierasadžvacca».
Biełaruska ŭziała z saboj valizku i pajšła šukać u čarzie inšy aŭtobus Ecolines: kampanija dazvalaje pierasadžvacca z adnaho busa ŭ inšy absalutna biaspłatna. Pa vyniku jana natyknułasia na adzin aŭtobus, jaki stajaŭ 10-m u čarzie.
«Ale kiroŭca skazaŭ, što jon voźmie na padsadku tolki tady, kali budzie druhim ci trecim. Atrymlivajecca, było dva varyjanty: ci ty staiš na vulicy i čakaješ, kali pajedzie hety aŭtobus (a heta moža być i piać hadzin, i siem), ci ty, jak durny, chodziš z hetaj valizkaj ad 65-ha da 10-ha aŭtobusa, praviarajučy, kali toj stanie druhim ci trecim)».
Pa vyniku žančyna «plunuła» i pajšła ŭ pačatak čarhi, sieŭšy ŭ druhi aŭtobus.
«Cana pytańnia — 50 dalaraŭ. Paśla my pastajali chvilin 20 i zajechali da biełarusaŭ. Sam pašpartny kantrol prajšli dosyć chutka, ale hadziny try prosta stajali, kab padjechać da mosta».
Dalejšaje pierasoŭvańnie ŭžo na polskim boku zaciahnułasia jašče na čatyry hadziny.
«Ale kali vy budziecie stajać i nie pierasadžvacca, raźličvajcie hadzin na 30 minimum».
U tematyčnych čatach pišuć, što ŭ lepšym vypadku ŭsio moža abyścisia sutkami. Ale častka pasažyraŭ vyrašaje samastojna paskorycca i taksama addaje kala 50 dalaraŭ za pierasadku ŭ aŭtobusy napieradzie.
Vyjazdžajučy z Polščy ŭ Biełaruś, taksama treba trymać u hałavie zatrymki. Voś što napisaŭ adzin z pasažyraŭ u tematyčnym čacie:
Da adpačynkavaj i kanikulnaj nahruzki na pamiežny punkt «Brest» dadaŭsia faktar ramontu: 30 červienia tam pačalisia płanavyja pracy pa dobraŭparadkavańni asfaltabietonnaha pakryćcia (jany praciahnucca da 14 lipienia).
Tyja ž, chto jechaŭ 1 lipienia ŭ Litvu, dzielacca, što z vyjezdam u 6.35 ranicy byli ŭ Vilni paśla 14.00.
Na prachodžańnie biełaruska-łatvijskaj miažy siońnia ŭ ludziej syšło dźvie hadziny na abodva baki.
Z aŭtamabilnym rucham spravy tradycyjna horš: mnohija, chto byŭ zarehistravany ŭ čarzie 27 červienia, byli vyklikanyja na biełaruska-polskuju miažu tolki 1 lipienia. Ahulny čas čakańnia skłaŭ bolš za čatyry dni. Za pazačarhovy prajezd na aŭto prosiać užo 200 jeŭra.
Na prachodžańnie biełaruska-litoŭskaj miažy taksama lepš zakładać minimum pałovu dnia.
Pa ŭłaśniku «Softkłuba» Sirotku, jaki siadzić u SIZA KDB, prylacieła i ad Polščy — na jaho kryptabiržu Bynex nakłali sankcyi2
Kamientary