Stała viadoma, chto lotaŭ na Šry-Łanku razam z Anžalikaj Mielnikavaj i jaje ahientam
Hrupa «Kibierpartyzany» apublikavała novyja fakty pa spravie źniknieńnia śpikierki Kaardynacyjnaj rady Anžaliki Mielnikavaj, jakija stali im viadomyja apošnim časam. Pierš za ŭsio jany vyśvietlili, što ŭ pajezdkach na sustrečy da Anžaliki Mielnikavaj ahienta Alaksieja Łabiejeva (pavodle pašparta prykryćcia — Hardziejeva) časam supravadžali inšyja supracoŭniki, jakija pracujuć na KDB.
Tak, u studzieni 2024 hoda sumiesna z Łabiejevym na Šry-Łanku prybyŭ taksama ahient KDB z pašpartam prykryćcia z falšyvymi danymi. Jaho asoba pakul nie raskryvajecca, umoŭna «Kibierpartyzany» nazyvajuć jaho «Vasil».
Akramia taho, u adzin čas z Łabiejevym na Šry-Łanku ź Biełarusi prybyli były śledčy Andrej Andrejeŭ z žonkaj Irynaj Andrejevaj (Macuraj), u minułym — supracoŭnicaj Barysaŭskaha RUUS.
Usie troje, muž i žonka Andrejevy i ahient «Vasil», praviali ŭvieś čas na vostravie ŭ tyja ž daty, kali tam znachodziłasia Anžalika Mielnikava. Potym u adzin dzień z Łabiejevym, 25 studzienia, viarnulisia ŭ Biełaruś.
UPD: «Kibierpartyzany» ličać, što padarožža Andrejevych ź Biełarusi na Šry-Łanku i nazad u tyja ž daty z vysokaj vierahodnaściu źjaŭlajecca supadzieńniem.
Asobna źviartajecca ŭvaha na toje, što ŭ toj ža dzień, kali Łabiejeŭ ź inšymi supracoŭnikami KDB lacieŭ u Maskvu, na tym ža samym rejsie byli i 9 supracoŭnikaŭ kampanii «Koka-Koła Bievrydžyz Biełaruś», u tym liku jaje dyrektar Alaksandr Dzianisaŭ — stary znajomy Mielnikavaj. Adnak u Šry-Łanku jany nie palacieli, a zastalisia ŭ Maskvie. Mahčyma, ich pajezdka była źviazanaja z padaŭžeńniem licenzijnaha pahadnieńnia z Coca-Cola da 2033 hoda, ale «Kibierpartyzanam» padajecca dziŭnym supadzieńnie daty i maršrutu.
***
Pra toje, što Anžalika Mielnikava prapała, stała viadoma 28 sakavika paśla zajavy Paŭła Łatuški.
Razam z tym viadoma, što jana pakinuła terytoryju Polščy i Jeŭrasajuza 26 lutaha 2025 hoda. Pavodle rasśledavalnikaŭ, za dzień da vyletu jana zabraniravała pražyvańnie ŭ piacizorkavym hateli na Šry-Łancy, dzie ŭžo byvała raniej. Z 28 lutaha pa 7 sakavika Mielnikava žyła ŭ tym hateli ź dziećmi. 7 sakavika Mielnikava ź dziećmi palacieła ŭ Dubaj, tam jejny śled hublajecca.
Pavodle «Kibierpartyzanaŭ», u sakaviku z rachunku fondu Mielnikavaj byli vyviedzienyja vialikija sumy hrošaj, što pryznačalisia dla «Kibierpartyzanaŭ» i Kaardynacyjnaj rady — ahułam z rachunku vyvieli 150 tysiač dalaraŭ.
Paśla hetaha kantaktavała z paplečnikami z Kaardynacyjnaj rady praź videasuviaź, ale nie praz asabistyja sustrečy: kazała, što chvareje. 25 sakavika pierastała vychodzić na suviaź. 13 sakavika jejny telefon vykarystoŭvali dla dostupu da fajłaŭ Kaardynacyjnaj rady ź biełaruskaha IP-adrasu — imavierna, telefon byŭ na terytoryi Biełarusi.
Dzie žančyna znachodzicca ciapier — nieviadoma.
«Mielnikava nie ŭpisvajecca ŭ vobraz zakachanaj durnički». Prakopjeŭ ahučyŭ svaju viersiju
«Muž byŭ suprać taho, kab Anžalika sustrakałasia ź dziećmi ź inšym mužčynam». Aŭtar rasśledavańnia pra Mielnikavu padzialiŭsia niekatorymi detalami
Kachanak Mielnikavaj Alaksiej Łabiejeŭ słužyŭ u KDB z 2019 hoda
Chrysta Hrozieŭ: Mielnikava jak minimum hod, a chutčej za ŭsio, paŭtara pieradavała infarmacyju biełaruskim śpiecsłužbam
Adnakurśnik pra kachanka Mielnikavaj: Łabiejeŭ jašče va ŭniviersitecie časam vykarystoŭvaŭ psieŭdanim «Hardziejeŭ»
«Mahčyma, jana źbiehła ad kachanka, ci jon jaje zabiŭ, ci jana ŭ Biełarusi». Aŭtar rasśledavańnia pra Anžaliku Mielnikavu
Kachanak Anžaliki Mielnikavaj — ahient biełaruskich śpiecsłužbaŭ z pašpartam prykryćcia
Ciapier čytajuć
«U kapciuroch HPU». Stahodździe niebiaśpiečnaj naiŭnaści i daremnych maraŭ biełaruskaj emihracyi6
Kamientary
Tak, u siońniašnich abstavinach heta "čornaja mietka"
Kibierpartyzanam reśpiekt!