U Słavakii znajšli zamienu adchilenamu patencyjnamu supierniku «Niomana» ŭ druhim raundzie Lihi kanfierencyj
Kłuby vyšejšaha słavackaha dyvizijona adnahałosna prahałasavali za toje, kab dać prava «Košyce» pradstaŭlać krainu ŭ futbolnych jeŭrakubkach zamiest DAKa («Dunajska streda»), jaki raniej byŭ vyklučany UEFA za parušeńnie praviła ab sumiesnym vałodańni kłubami, paviedamlaje «Biełaruski futboł».
Na karyść «Košyce» syhraŭ faktar najlepšaj pazicyi ŭ minułym siezonie słavackaha pieršynstva siarod mahčymych pretendentaŭ. U minułym siezonie słavackaha pieršynstva kłub zaniaŭ piataje miesca, nabraŭšy 44 bały.
Pra heta rašeńnie paviedamiŭ prezident Słavackaj fiederacyi futboła Ivan Kozak: «Pieravažnaja bolšaść kłubaŭ addali pieravahu doŭhaterminovamu spabornictvu, i tamu Košycy źjaŭlajucca patencyjnaj zamienaj DAKu. My ŭžo paviedamili pra heta rašeńnie Słavackaj futbolnaj asacyjacyi. U biahučaj situacyi dla nas samaje važnaje — kab Słavakija była pradstaŭlena ŭ jeŭrakubkach čatyrma kamandami.
Adznačajecca, što vyrašalnym budzie vierdykt Spartyŭnaha arbitražnaha suda (CAS) u Łazanie, dzie DAK raniej abskardziŭ rašeńnie UEFA. CAS pavinien vynieści rašeńnie ciaham 10 dzion.
Nahadajem, DAK pavinien byŭ stać patencyjnym supiernikam «Niomana» ŭ druhim raŭndzie adboru Lihi kanfierencyj, u vypadku pieramohi «Niomana» ŭ pieršym raŭndzie kvalifikacyi nad armianskim «Urartu». Pieršy matč z «Urartu» projdzie ŭ čaćvier u Jerevanie.
Ciapier čytajuć
Cichanoŭski raskazaŭ, što treba było rabić u žniŭni 2020-ha14
Kamientary