U prezidenta ZŠA vyjavili chraničnuju vianoznuju niedastatkovaść.
Jak paviedamili ŭ Biełym domie, 79-hadovamu Trampu daviałosia prajści abśledavańnie z-za «niaznačnaha acioku» noh i siniakoŭ na adnoj z ruk, piša The Hill.
Prezident ZŠA prajšoŭ ultrahukavoje abśledavańnie i «kompleksnaje abśledavańnie», jakoje ŭklučała dyjahnastyčnaje daśledavańnie sasudaŭ. Jano paćvierdziła, što Tramp pakutuje na chraničnuju vianoznuju niedastatkovaść.
Heta zachvorvańnie ŭźnikaje, kali vieny noh čałavieka nie mohuć narmalna pierapampoŭvać kroŭ da serca, što pryvodzić da jaje zastoju, i źjaŭlajecca raspaŭsiudžanym siarod ludziej starejšym za 70 hadoŭ.
U Biełym domie padkreślili, što prykmiet trambozu hłybokich vien abo arteryjalnych zachvorvańniaŭ, jakija mohuć supravadžacca zakarkavańniem, vyjaŭlena nie było. Što datyčycca siniakoŭ na tylnym baku ruki prezidenta ZŠA, to jaho doktar skazaŭ, što hetyja ślady «adpaviadajuć niaznačnym paškodžańniam miakkich tkanak ad častych pociskaŭ ruk».
Tramp prajšoŭ kompleksny miedycynski ahlad u krasaviku, paśla čaho jaho doktar napisaŭ daviedku, u jakoj adznačyŭ, što prezident ZŠA maje «vydatnaje zdaroŭje».
Ciapier čytajuć
Kaledž chacieŭ zasudzić studenta i spahnać ź jaho 13 tysiač rubloŭ — ale junak daŭ adpor sistemie6
Kamientary