Novy niedarahi bajavy bieśpiłotnik, pryznačany dla kankurencyi ź bieśpiłotnikami typu Shahed iranskaj raspracoŭki, prezientavali ŭ Pientahonie. Čym jon admietny?
Jak paviedamlaje Defence-blog, Złučanyja Štaty pakazali novy tanny bajavy dron, raspracavany jak adkaz na iranskija bieśpiłotniki typu Shahed-136, jakija šyroka vykarystoŭvajucca ŭ vojnach va Ukrainie i na Blizkim Uschodzie. Novy dron atrymaŭ nazvu LUCAS (Low-Cost Uncrewed Combat Attack System — «tannaja bieśpiłotnaja bajavaja sistema ataki»).
Prezientacyja adbyłasia ŭ Pientahonie 16 lipienia. Ministru abarony ZŠA Pitu Chehsetu hety dron prademanstravali na prezientacyi najnoŭšych vajskovych technałohij, uklučajučy bieśpiłotnyja mašyny, zdolnyja dziejničać u roznych umovach — u pavietry, na ziamli, na mory.
Dron LUCAS raspracavała amierykanskaja firma SpektreWorks sa štata Aryzona.
Vydańnie apisvaje LUCAS jak nadziejny i tanny bieśpiłotnik, pryznačany dla pracy ŭ składanych umovach ź minimalnymi łahistyčnymi patrabavańniami. Adkrytaja architektura dazvalaje dronu chutka źmianiać karysnuju nahruzku, vykonvajučy misiju raźviedki, ataki ci padtrymki suviazi. Pry hetym jość mahčymaść stavić roznyja ruchaviki ci sistemy siłkavańnia — u zaležnaści ad zadačy.
Jon moža zapuskacca roznymi sposabami, jak z dapamohaj rakiety (RATO) ci prosta z hruzavika abo inšaj mašyny, što robić jaho asabliva zručnym dla chutkaha prymianieńnia ŭ palavych umovach.
I samaje hałoŭnaje — dla jaho zapusku nie patrebnyja śpiecyjalisty, ź im mohuć pracavać zvyčajnyja sałdaty bieź śpiecyjalnaj padrychtoŭki, što dazvalaje vielmi chutka i masava vykarystoŭvać takija drony ŭ bajavych umovach.
Adznačajecca, što LUCAS — heta adnarazovy dron-kamikadze, jaki raspracavany jak tannaja alternatyva darahim tradycyjnym sistemam uzbrajeńnia.
Jon zdolny samastojna aryjentavacca, pracavać u hrupie ź inšymi bieśpiłotnikam i nanosić udary pa zahadzia vyznačanych ci vyjaŭlenych u palocie celach. Takaja kaardynavanaja hrupavaja praca pavyšaje efiektyŭnaść apieracyj i dazvalaje chutka reahavać na źmianieńni situacyi na poli boju.
Dron abstalavany sučasnymi navihacyjnymi sistemami, jakija adpaviadajuć strohim patrabavańniam da pamieru, vahi i enierhaspažyvańnia. Jon taksama maje intelektualnuju sistemu kiravańnia karysnaj nahruzkaj, jakaja dazvalaje dystancyjna ŭklučać abo adklučać abstalavańnie na borcie (naprykład, kamiery, suviaź, vybuchoŭku) padčas palotu.
Paviedamlajecca, što LUCAS taksama zmoža vykonvać funkcyju retranślatara ŭ miežach admysłovaj sietki MUSIC (Multi-domain Unmanned Systems Communications), jakaja abjadnoŭvaje roznyja bieśpiłotnyja sistemy ŭ roznych śfierach (pavietra, ziamla, mora i h.d.).
Hetaja mahčymaść pavinna pavysić biaśpieku i nadziejnaść suviazi pamiž vojskami ZŠA i sajuźnikaŭ, asabliva ŭ składanych umovach, dzie zvyčajnyja kanały suviazi mohuć pieraryvacca.
Kampanija SpektreWorks paćvierdziła vydańniu, što dron LUCAS užo prajšoŭ usie nieabchodnyja vyprabavańni i całkam hatovy da masavaj vytvorčaści. U najbližejšy čas jon moža być uklučany ŭ arsienał uzbrojenych sił ZŠA i ich sajuźnikaŭ.
Ciapier čytajuć
Brat biełaruskaj karalevy pryhažości trapiŭ u reanimacyju ŭ Azierbajdžanie4
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary