Irłandziec, jaki teściravaŭ biełaruskija stałoŭki, pajechaŭ ź Biełarusi
U Biełarusi Najł Doerci pražyŭ 10 hadoŭ. Ab pryčynach adjezdu jon raskazaŭ u novym videa na svaim jutub-kanale, jakoje zapisaŭ užo ŭ Irłandyi.
Błohier ź Irłandyi Najł Doerci dziesiać hadoŭ pražyŭ u Minsku. Pad nikam Irish Partizan jon publikavaŭ ahlady na roznyja biełaruskija stałovyja. A taksama zdymaŭ videa z roznych haradoŭ, śviatkavańnia Dnia Niezaležnaści.
Niadaŭna Doerci źjechaŭ z našaj krainy.
Pa słovach Najła, svajo pieršaje videa ab Biełarusi jon vykłaŭ jašče ŭ 2019 hodzie. I jano było pryśviečana śviatkavańniu Dniu Pieramohi ŭ Homieli.
«Ja vykarystoŭvaŭ svoj kanał, kab vieści videabłoh i dakumientavać štodzionnaje žyćcio ŭ Biełarusi — žyćcio irłandca, jaki žyvie i pracuje ŭ Biełarusi, u Minsku. Ź ciaham času ja staŭ kimści nakštałt Mr.Minsk. Šmat chto źviartaŭsia da mianie i kazaŭ, što znajšoŭ uva mnie vialikuju krynicu natchnieńnia», — raskazvaje Doerci i zaŭvažaje: «Ale, jak kažuć, usie padarožžy ŭ rešcie rešt pavinny kali-niebudź skončycca».
Pavodle jaho słoŭ, surjoznyja źmieny pačalisia jašče ŭ kancy minułaha hoda. Na Kalady jaho kanał straciŭ mahčymaść manietyzavacca praz sankcyi Google suprać Biełarusi, što aznačała stratu dachodu z YouTube. Ale heta, pa słovach błohiera, nie stała pačatkam prablem.
Najł kaža, što raniej padpisčyki skardzilisia na techničnyja zboi — ich aŭtamatyčna adpisvali ad kanała, a kamientaryi nie adlustroŭvalisia.
«Kožny raz, kali ja vykładvaŭ novaje videa, ja stračvaŭ u siarednim ad 20 da 25 padpisčykaŭ — z kožnym videa. I heta strašenna zasmučała», — žalicca Doerci.
Akramia prablem z YouTube, u asabistym žyćci Najła taksama adbylisia źmieny. U siaredzinie sakavika jon byŭ zvolnieny ź IT-kampanii, u jakoj pracavaŭ. Paśla hetaha błohier pryniaŭ prapanovu pracy ŭ novaj krainie.
Najł pakul nie nazyvaje krainu, kudy pierajazdžaje, adnak kaža, što heta nie Rasija, choć jon niekalki razoŭ zhadvaŭ jaje na svaim kanale.
«Tak, ja pakidaju Biełaruś. Dziesiać hadoŭ žyćcia. Tak, heta krychu sumna. Ale pryjšoŭ čas iści dalej. Pačynajecca novy raździeł — poŭny nadziej i adkryćciaŭ».
Irłandziec teściruje biełaruskija stałoŭki. Voś jakoj ź ich prapanoŭvaje dać mišlenaŭskuju zorku
Zamiežnik upieršyniu chacieŭ naviedać Biełaruś, ale jaho nie puścili ŭ krainu za karcinku z Łukašenkam na telefonie
«Ja naviedaŭ samuju izalavanuju krainu Jeŭropy». Amierykanski błohier raskazaŭ, jak pryjazdžaŭ u Biełaruś u 2020-m i 2024-m
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes1919
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes19
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary