U Polščy skasoŭvajuć terminy razhladu zajaŭ na mižnarodnuju abaronu
U Polščy padrychtavali zakonaprajekt, pavodle jakoha płanujecca časova skasavać terminy razhladu zajaŭ na mižnarodnuju abaronu. Ciapier takija spravy pavinny razhladacca pa praciahu 6 miesiacaŭ, a ŭ składanych vypadkach — da 15 miesiacaŭ. Ale praź vialikuju kolkaść zajaŭ, asabliva ad ukraincaŭ, hetyja terminy ŭsio čaściej zaciahvajucca, piša Most.
Ciapier prapanujecca zusim admianić abaviazak razhledzieć spravu ŭ peŭny termin, a taksama infarmavańnie zajaŭnikaŭ pra zatrymki. Adkaznaści za parušeńnie terminaŭ viedamstva taksama nie paniasie.
Pavodle prajekta, novyja praviły buduć dziejničać da 4 sakavika 2026 hoda, ale padobnyja miery raniej užo praciahvalisia na niavyznačany termin — naprykład, terminy razhladu spraŭ adnosna dazvołu na žycharstva admianili jašče ŭ 2022 hodzie.
Niahledziačy na zatrymki, kali zajaŭnik nie vinavaty ŭ tym, što jaho sprava nie razhledžanaja za 6 miesiacaŭ, to jon usio adno zmoža atrymać dazvoł na pracu.
Pryčyna źmianieńniaŭ — vialikaja nahruzka na polskaje Upraŭleńnie pa spravach zamiežnikaŭ. U pieršaj pałovie 2025 hoda z zajavami na mižnarodnuju abaronu źviarnulisia 8,5 tysiačy čałaviek, ź jakich 5 tysiač — hramadzianie Ukrainy. Heta amal udvaja bolš, čym za taki ž pieryjad u 2024 hodzie. Kolkaść biełarusaŭ, što źviartalisia pa abaronu, źmienšyłasia z 2 tysiač da 1,6 tysiačy.
Pradstaŭnik upraŭleńnia Jakub Dudziak adznačyŭ, što mnohija zajaŭniki złoŭžyvajuć praceduraj, kab chutčej lehalizavacca ŭ Polščy, a niekatoryja ŭkrainskija mužčyny takim čynam imknucca paźbiehnuć mabilizacyi.
Ciapier čytajuć
Na Šry-Łancy ŭ 37 hadoŭ pamior biełaruski kinapradziusar Andrej Matałyha1
Kamientary