Vystavili na aŭkcyjon kvateru z samaha vysokaha ŭ Biełarusi panelnaha chmaračosa
U Homieli vystaviać na aŭkcyjon trochpakajovuju kvateru, što znachodzicca na 22-m paviersie pieršaha haradskoha chmaračosa na vulicy Mazurava, piša «Biełka».
Budynak, pra jaki idzie havorka — samy vysoki panelny dom nie tolki ŭ Homieli, ale i va ŭsioj Biełarusi. Pra jaho zdaču paviedamlali ŭ mai hetaha hoda.
Płošča kvatery — 80,2 kvadratnaha mietra, unutranaha azdableńnia niama. Pačatkovaja cana — 261 981 rubiel, što składaje prykładna 3266 rubloŭ za kvadratny mietr — amal stolki ž, kolki ŭ kvaterach u susiednich chmaračosach, što zaraz budujucca.
Kvatera maje vokny na niekalki bakoŭ, u tym liku ź vidam na aziory i les. Nizkaja zabudova ŭ mikrarajonie №18 nie pieraškadžaje ahladu.
Aŭkcyjon adbudziecca 25 žniŭnia ŭ adkrytym farmacie. Zajaŭki prymajucca da 16:00 21 žniŭnia. Kab udzielničać, treba zrabić zakład 5000 rubloŭ — jaho viernuć usim, akramia pieramožcy. Krok tarhoŭ — 5% ad pačatkovaj cany. Kali ŭdzielnik budzie tolki adzin, jon atrymaje kvateru pa pačatkovaj canie plus 5%. Uvieś košt nieabchodna apłacić na praciahu 20 dzion.
Jak adznačyŭ načalnik upraŭleńnia kapitalnaha budaŭnictva Homielskaha DBK Andrej Čysty, u hetym 24-paviarchovym domie takaja kvatera — adzinaja. Jana pieršapačatkova nie praduhledžvałasia dla prodažu pa dolevym budaŭnictvie. U susiednim domie, što budujecca pa takim ža prajekcie, jašče 24 kvatery na vierchnich pavierchach taksama buduć pradavacca praz aŭkcyjon paśla zdačy doma.
Kamientary