U Biełarusi dabudavali samy vysoki ŭ krainie panelny dom. I znachodzicca jon nie ŭ Minsku
Dom znachodzicca ŭ Homieli i maje 24 pavierchi, piša Blizko.by.
U mai 2023 hoda Homielski domabudaŭničy kambinat pačaŭ uzvodzić u Homieli pieršy z troch panelnych damoŭ u 18-m mikrarajonie na vulicy Mazurava.
U abłasnoj presie dom inakš jak chmaračosam i nie nazyvajuć. Tamu što jon 24-paviarchovy. U im budzie 184 kvatery: 1-pakajovyja płoščaj ad 46 kvadratnych mietraŭ, 2-pakajovyja ad 49 «kvadrataŭ» i 3-pakajovyja ad 83 kv.m.
Prajekt prezientavali ŭ 2021 hodzie, i tady dom byŭ u płanie avalnym. Hod paźniej pradstavili abnoŭleny prajekt: ciapier jon staŭ bolš zvykłym pramavuholnym. Dom pavinny byli zdać 29 studzienia 2025 hoda, ale terminy niekalki razoŭ pieranosili. I voś učora dom zdali.
Pobač budujucca jašče dva takija damy.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary