Ułady zapeŭnivajuć, što paŭtornaha apoŭźnia ŭ viciebskim Viarchoŭi nie budzie
Ułady Viciebskaj vobłaści zapeŭnivajuć, što paŭtornaha razmyvu hleby ŭ mikrarajonie Viarchoŭje nie budzie. Pra heta zajaviŭ abłvykankam uviečary 26 lipienia.
Pavodle infarmacyi pres-słužby abłvykankama, śpiecyjalisty nie vyjavili pahrozy novaha abvalvańnia hleby na miescy praviadzieńnia rabot. Taksama paviedamlajecca, što nichto z žycharoŭ nie paciarpieŭ.
Dla likvidacyi nastupstvaŭ ranišniaha razmyvu zadziejničanyja 23 adzinki techniki i 60 supracoŭnikaŭ roznych słužbaŭ.
Abłvykankam taksama adznačyŭ, što na haračuju liniju zvarotaŭ ad hramadzian nie pastupała.
Ranicaj 26 lipienia Ministerstva pa nadzvyčajnych situacyjach paviedamiła pra abrynańnie siami haspadarčych pabudoŭ na viciebskaj vulicy Sadovaj u mikrarajonie Viarchoŭje — heta častka Čyhunačnaha rajona Viciebska, jakaja adździelenaja ad asnoŭnaj častki horada terytoryjaj Viciebskaha rajona i znachodzicca na bierazie Zachodniaj Dźviny.
Razmyła taksama techničny prajezd pamieram 4×70 m, hleba spaŭzła ŭ bok raki na płoščy kala 100×100 mietraŭ.
Paźniej MNS paviedamiła, što na miescy pracujuć avaryjnyja słužby, idzie ŭmacavańnie bierahavoj linii. U svaju čarhu, načalnik abłasnoha ŭpraŭleńnia MNS Siarhiej Mialeškin zajaviŭ, što stvoranyja śpiecyjalnyja pracoŭnyja hrupy dla vyvučeńnia nastupstvaŭ.
Jon dadaŭ, što ŭžo adbyłasia sustreča ź miascovymi žycharami, i ciapier idzie abychod damoŭ. Dla pracy z nasielnictvam sfarmiravanyja hrupy z pradstaŭnikoŭ ułady, MNS i pravaachoŭnikaŭ. Akramia taho, čynoŭniki vyvučajuć situacyju na dźviuch padtoplenych vulicach, praviarajuć mielijaracyjnyja sistemy i liŭnioŭki. Arhanizavali dadatkovyja kanały dla advodu vady i adnavili elektrazabieśpiačeńnie.
Ciapier čytajuć
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos27
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5454
Kamientary