Minskaja dyzajnierka: Razmaŭlać pa-biełarusku, nie spytaŭšy surazmoŭcu, ci zručna jamu, — śvinstva
Uradženka Ałmaty Julija Sierhina pierakananaja, što vietliva — razmaŭlać u Biełarusi pa-rusku.
«Razmaŭlać užyvuju pa-biełarusku, nie spytaŭšy, ci zručna surazmoŭcu, ja liču prosta takim ža śvinstvam, jak paziachać z adkrytym rotam i jeści rukami ŭ kafe», — dzielicca svaim kaštoŭnym mierkavańniem minskaja dyzajnierka Julija Sierhina.
Žančyna naradziłasia ŭ Ałmaty, u šaścihadovym uzroście jaje pryvieźli ŭ Biełaruś. Julija vyrasła ŭ Barysavie, ciapier žyvie na dva harady — Barysaŭ i Minsk. Sierhina raniej pracavała na radyjo, a ciapier zajmajecca dyzajnam, prajektuje meblu i interjery anłajn pad brendam 10Muza.
Dyzajnierka pryznajecca, što z ruskaj movaj u jaje taksama prablemy, dapuskaje šmat pamyłak. A voś biełaruskaja mova jaje ŭvohule razdražniaje:
«Nie padabacca mnie biełaruskaja mova, tamu što ludzi majuć vielmi maleńki słoŭnikavy zapas i nie ŭmiejuć vyražać svaje dumki. Heta ździek z maich vušej i vačej, kali kavierkajuć ruskija słovy i pišuć ich pa-biełarusku.
Nie padabajecca mnie biełaruskaja mova z vusnaŭ ludziej, chto na joj piša ŭ siecivie. Pačvarnaść prosta».
Sierhina robić vyklučeńnie dla pjes u Biełaruskim dramatyčnym teatry i maŭleńnia znajomaha joj vykładčyka Akademii Mastactvaŭ u Minsku. «A astatniaje dla mianie pačvarnaja pačvarnaść», «ahidnaja biazhłudzica» — nie strymlivaje siabie ŭ vyrazach Julija Sierhina, nie razumiejučy, što jaje słovy ŭtvarajuć skład złačynstva pa artykule 130 Kryminalnaha kodeksa (raspalvańnie varožaści).
-
Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na mužčynu napisali zajavu ŭ milicyju
-
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam
-
Kavieryn vybačyŭsia za prapanovu eratyčnaj fotasiesii dla Cichanoŭskaj
Ciapier čytajuć
Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na jaho napisali zajavu ŭ milicyju6
Kamientary
Adnak, žyć u Kazachstanie i nie sustrecca z bahataj historyjaj departavanych savieca-rasiejskimi ŭładami narodaŭ, heta daje krychu padkazku nakont uzroŭnia raźvićcia hetaj niepryjemnaj piersanalici