Rejtynh uchvaleńnia prezidenta ZŠA Donalda Trampa źniziŭsia na adzin pracentny punkt da 40% — heta najnižejšy ŭzrovień jaho druhoha terminu prezidenctva, bo amierykancy zastajucca zaniepakojenymi jaho dziejańniami ŭ śfiery ekanomiki i imihracyi, pakazvaje apytańnie Reuters sa spasyłkaj na Ipsos.
Trochdzionnaje apytańnie, jakoje zaviaršyłasia ŭ paniadziełak, achapiła 1023 darosłych hramadzian ZŠA pa ŭsioj krainie i mieła pamyłku vybarki 3 pracentnyja punkty.
Jano pakazała, što nacyja hłyboka padzielena adnosna Trampa: 83% respublikancaŭ i tolki 3% demakrataŭ uchvalajuć jaho dziejnaść. Kala adnoj traciny niezaležnych vybarščykaŭ vykazali ŭchvaleńnie. Rejtynh uchvaleńnia Trampa ŭ papiarednim apytańni Reuters/Ipsos, praviedzienym 15 i 16 lipienia, składaŭ 41%.
Respublikaniec vioŭ kampaniju z abiacańniami paskoryć ekanomiku ZŠA i žorstka zmahacca ź imihracyjaj, i apytańnie pakazała, što amierykancy aceńvajuć jaho pracu ŭ hetych śfierach nieadnaznačna, bo jaho administracyja vykarystoŭvaje ahresiŭnyja mietady.
Prykładna 38% apytanych uchvalajuć dziejańni Trampa ŭ ekanomicy — heta rost u paraŭnańni z 35% u siaredzinie lipienia. Taksama krychu palepšylisia jaho pakazčyki pa imihracyi: 43% apytanych uchvalajuć jaho palityku suprać 41% u papiarednim apytańni.
Kamientary