U Kanadzie pažar pačaŭsia z-za ryby, jakuju ptuška ŭpuściła na liniju elektrapieradačy
U kanadskaj vioscy Aškraft adbyŭsia niezvyčajny nadzvyčajny vypadak: pažar pačaŭsia z-za ryby, jakaja ŭpała ź nieba.
Jak vyśvietlili miascovyja pažarnyja, rybu ŭpuściŭ arłan — jana trapiła na liniju elektrapieradačy, vyklikała karotkaje zamykańnie, a iskry padpalili suchuju travu pad pravadami, piša Bild.
Incydent adbyŭsia 30 lipienia za šeść kiłamietraŭ na poŭdzień ad Aškrafta. Połymia raspaŭsiudziłasia pa ŭčastku pamieram 60 na 90 mietraŭ, ale dziakujučy słabamu vietru pažar udałosia chutka patušyć. Pry ahladzie miesca zdareńnia byŭ znojdzieny niečakany vinavaty — ryba.
«Mahčyma, arłanu prosta nadakučyła syraja ryba, i jon vyrašyŭ pasprabavać jaje ŭ smažanym vyhladzie», — pažarnyja pažartavali.
Jany dadali, što hałoŭny padazravany zastaŭsia žyvym i praciahvaje lotać na voli.
Ciapier čytajuć
Pamiatajecie fota z muskulistym biełarusam, jaki ŭ 2020-m išoŭ u sčepcy z amapaŭcam? Ciapier jon zdymajecca ŭ kino ŭ Anhlii1
Kamientary