Babaryka byŭ strašna ščaślivy, kali daviedaŭsia, što staŭ dziedam — jaho dačka naradziła ŭ Aŭstralii
Były advakat palitźniavolenych Viktar Mackievič raskazaŭ Deutsche Welle, jak adzin ź jahonych znakamitych padabaronnych, Viktar Babaryka, pavodziŭ siabie ŭ turmie i što navat tam jaho radavała.
— Viktar, raskažycie pra vašu pracu ź Viktaram Babarykam. Vykazvaŭ jon škadavańnie, što ŭlez u palityku? I što dapamahała jamu trymacca ŭ źniavoleńni?
— Z Babarykam ja pačaŭ pracavać, kali jon užo znachodziŭsia ŭ kałonii ŭ Navapołacku. Jamu było vielmi pryjemna, kali jaho naviedvali, tamu što my pryvozili naviny ad dziaciej.
U kancy 2022 hoda jahonaja dačka naradziła ŭ Aŭstralii. Ja prynosiŭ jamu fatahrafii, pakazvaŭ unučku. Jon byŭ strašna ščaślivy — heta jaho vielmi padtrymlivała, jon byŭ na pazityvie.
Ja taksama paviedamlaŭ jamu naviny ad syna, jaki tady znachodziŭsia ŭ SIZA. Siła i stojkaść Eduarda taksama jaho natchniali.Jon raskazvaŭ, što ŭ źniavoleńni zajmajecca johaj, šmat čytaje, vučyć anhlijskuju i dapamahaje vučyć inšych. Dla Viktara Dźmitryjeviča heta było važna.
Jon nikoli nie skardziŭsia i nie kazaŭ: «Navošta ja pajšoŭ na vybary». Dumaju, jon i ciapier na pazityvie, vieryć, što ŭsio chutka skončycca. Tym bolš što jość niekatoryja zruchi z vyzvaleńniem palitviaźniaŭ. Tamu vyklučać ničoha nielha — treba vieryć, i jon vieryć.
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič
Vyzvaleny palitviazień Bałachonaŭ: Babaryka ŭvieś čas na ŠIZA i PKT
Piać hadoŭ tamu zatrymali Viktara i Eduarda Babarykaŭ
Supracoŭnica SIZA kryčyć kanvairu: «Aściarožniej! Ty viadzieš Nobieleŭskaha łaŭreata!»
«Byŭ prosta vałancioram». Što viadoma pra načalnika achovy štaba Babaryki, jakoha pakazali pa ANT
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary