Capkała prosić brytanskuju palicyju pravieryć, ci chacieŭ Łatuška spalić Cichanoŭskuju
Valeryj Capkała paśla vychadu prapahandysckaha siužeta na ANT padaŭ aficyjnyja zajavy ŭ prakuraturu Respubliki Polšča i ŭ admysłovaje antyterarystyčnaje padraździaleńnie brytanskaj palicyi z patrabavańniem raspačać kryminalnuju spravu i pravieści poŭnaje rasśledavańnie ahučanych abvinavačańniaŭ u adnosinach da Paŭła Łatuški.
U siužecie, tłumačyć Cakała, išła razmova pra padrychtoŭku terakta, siarod mahčymych achviar jakoha nazyvalisia jahonaja žonka Vieranika Capkała (ciapier pražyvaje ŭ Kiembrydžy, Vialikabrytanija), Maryja Kaleśnikava i Śviatłana Cichanoŭskaja.
Capkała davodzić, što nie ličyć Paŭła Łatušku arhanizataram złačynstva, tamu što toj «padčas prezidenckaj kampanii 2020 hoda staranna paźbiahaŭ naviedvańnia lubych mitynhaŭ apazicyi, vidavočna bajučysia, što jaho prysutnaść mohuć zaŭvažyć i interpretavać jak simpatyju da demakratyčnych pieramienaŭ».
Adnak, pavodle jaho słoŭ, ahučanyja abvinavačańni — vielmi surjoznyja, i tamu Capkała nie moža ich ihnaravać.
«Asabliva žachlivym byŭ toj fakt, što čałaviek, abmiarkoŭvajučy nibyta nieabchodnaść «sakralnaj achviary», nie prapanavaŭ achviaravać saboj ci svaimi svajakami, a zamiest hetaha bajaźliva i cynična prapanavaŭ zrabić mišeńniu žančyn z małymi dziećmi», — nahniataje Capkała.
Jon patrabuje niezaležnuju fanahrafičnuju ekśpiertyzu hołasu, praviedzienuju za miežami Polščy, dzie ciapier žyvie Łatuška, kab vyklučyć padazreńni ŭ praduziataści.
Capkała prosić: pryznačyć mižnarodnuju niezaležnuju ekśpiertyzu zapisu, dapytać śviedkaŭ, a ŭ vypadku admovy Biełarusi supracoŭničać — inicyjavać roznyja sankcyi, u tym liku suprać Biełteleradyjokampanii.
Capkała adznačyŭ, što kali zapis budzie pryznany falsifikacyjaj, heta stanie dadatkovym dokazam sfabrykavanych kryminalnych spraŭ biełaruskim režymam. Kali ž aŭtentyčnaść paćvierdzicca, zapis stanie važkim dokazam u sudzie suprać «čałavieka, jaki płanavaŭ masavaje zabojstva».
Valer Capkała — dypłamat i były kiraŭnik Parka vysokich technałohij — u 2020 hodzie abjaviŭ pra ŭdzieł u prezidenckich vybarach, ale ŭ rehistracyi jamu admovili.
Jaho žonka Vieranika razam z Maryjaj Kaleśnikavaj i Śviatłanaj Cichanoŭskaj stała aktyŭnaj udzielnicaj prezidenckaj kampanii.
Ciapier sužency žyvuć u emihracyi i mocna krytykujuć pracu Ofisa Śviatłany Cichanoŭskaj.
«Ja chaču jamu ich u tvar kinuć». Siarhiej Cichanoŭski paviedamiŭ, što Śviatłana kazała pra hrošy ad Łukašenki
Na ANT zajavili, što Łatuška ŭ kancy lipienia 2020 nibyta chacieŭ spalić štab Cichanoŭskaj. Łatuška adkazaŭ na heta
«Byŭ prosta vałancioram». Što viadoma pra načalnika achovy štaba Babaryki, jakoha pakazali pa ANT
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary
U mienia tolko odin vopros ko vsiem eti tiavkajuŝim piersonažam: NA KOHO TY RABOTAJEŠ?
Eto nie "boŕba" i nie "diemokratija". eto - SABOTAŽ.
nie nado putať!!!
i oni dumajut, čto kohda-nibud́ nabierut choť kakoje-to količiestvo hołosov na vyborach?!!! kto vmiesto poddieržki i riealnoj raboty tolko miešał i polivał hriaźju? ŚMIEŠNO!!! političieskije trupy!!!