«Situacyja narmalizujecca nie raniej za vosień». Ofis Cichanoŭskaj płanuje pieramovy ź Litvoj nakont aŭtobusaŭ
Dniami rezka skaraciłasia kolkaść aŭtobusaŭ, jakija chodziać pamiž Litvoj i Biełaruśsiu. Hałoŭny daradca Śviatłany Cichanoŭskaj Franak Viačorka paviedamiŭ telekanału «Biełsat», što Ofis płanuje pieramovy ź Vilniaj, kab «zachoŭvać jak maha bolš rejsaŭ».
«Na žal, hetaje skaračeńnie rejsaŭ, choć i časovaje, zakranie sotni biełarusaŭ. Heta adčuvalna asabliva ŭ pik letniaha siezonu, kali mnohija biełarusy vyjazdžajuć za miažu», — kanstatavaŭ Franak Viačorka.
«My z 2022 hoda pracujem nad tym, kab było jak maha bolš aŭtobusnych rejsaŭ. I sapraŭdy, za apošni čas kolkaść rejsaŭ siahała až da 30—40, navat 50-ci na dzień. Heta bolš čym było dazvolena Litvoj. Vyras i ahulny abjom ruchu praź miažu: ahułam u hod biełaruska-litoŭskuju miažu minajuć 1,5 młn pasažyraŭ. Heta šmat», — adznačyŭ jon.
Viačorka ličyć, što hałoŭnaja pryčyna pilnaj uvahi litoŭskaha boku da aŭtobusnaha ruchu — biaśpieka:
«Havorka nie tolki pra biełarusaŭ, ale i pra litoŭcaŭ, jakija jeduć u Biełaruś. Dumaju, mienavita biaśpieka — pryčyna, čamu Litva sprabuje zarehulavać pasažyrapieravozki ciapier».
Viačorka paviedamiŭ pra płany pravieści pieramovy ź Litvoju nakont aŭtobusnych rejsaŭ:
«Dumaju, situacyja narmalizujecca nie raniej za vosień. Nijakaha spynieńnia aŭtobusnych pieravozak nie płanujecca, ale, chutčej za ŭsio, častka rejsaŭ, jakija jeździli «ŭ šeruju», budzie ŭsio ž admienienaja. My ŭvosień płanujem pravieści pahłyblenyja pieramovy ź litoŭskim bokam, kab abmierkavać, jak zrabić tak, kab zachoŭvać jak maha bolš rejsaŭ».
Jon paabiacaŭ «rabić usio mahčymaje», kab pasažyrskaje złučeńnie Biełarusi z krainami ES nie spyniłasia.
«Na siońnia zastajecca da 20 rejsaŭ na dzień. Hetaha, viadoma ž, mała dla piku siezonu. Ale da vosieni, dumaju, situacyja narmalizujecca. My budziem rabić usio mahčymaje, kab pasažyrskaje złučeńnie pamiž Biełaruśsiu i Jeŭrasajuzam zachoŭvałasia», — adznačyŭ Franak Viačorka.
Jon taksama zapeŭniŭ, što nie zastalisia biez uvahi i płany Łatvii abmiežavać aŭtobusny ruch ź Biełaruśsiu:
«Budziem vyśviatlać taksama. Tam rejsaŭ našmat mienš. Ale dapuskaju, što asnoŭnaja pryčyna — taksama biaśpieka. I siarod inšaha — abmiežavać płyń žycharoŭ Łatvii, jakija jeduć u Biełaruś, asabliva paśla aryštaŭ łatvijskich hramadzian u Biełarusi».
Jak paviedamlałasia, u Łatvii ŭžo padrychtavali prajekt uradavaj pastanovy pra zabaronu z 15 kastryčnika nierehularnych (ich jašče nazyvajuć turystyčnymi) aŭtobusnych rejsaŭ u spałučeńniach ź Biełaruśsiu i Rasijaj.
Aŭtobus ź Vilni ŭ Minsk nie prapuścili praź miažu, pasažyry dabiralisia sami
Aŭtobusnyja rejsy Vilnia — Minsk: Litva skaračaje kolkaść maršrutaŭ — u čym pryčyna?
«Nie źviazana z vajskovymi vučeńniami». Mintrans Litvy prakamientavaŭ skasavańnie rejsaŭ ź Biełarusi
«Nie vypuskaje Litva». Čamu pieravozčyki masava admianili aŭtobusy pamiž Minskam i Vilniaj?
Jak ciapier dabracca ź Minska da Vilni, kali pramych rejsaŭ stała ŭ razy mienš?
«Minsktrans» admianiŭ niekatoryja aŭtobusy Minsk — Vilnia
Ciapier čytajuć
Jak vyhladajuć kvatery z sacyjalnym ramontam dla čarhavikoŭ i kolki za ich prosiać1
Kamientary
V avhustie v Jevropu vozvraŝajutsia ludi pośle otpuskov ,kanikuł i tp.
Po faktu ,eto mnoho jevropiejskich pasportov i vnž .
I viernicie projezd bajkierov čz hranicu,a to pacany zadołbaliś kruhala davať!