Hiendyrektar «Biełknihi»: Absalutny bestseler — kniha «Naš prezident»
Hiendyrektar najbujniejšaha knihahandlovaha pradpryjemstva krainy «Biełkniha» Uładzimir Matusievič u intervju BiełTA raskazaŭ, jakija vydańni karystajucca papularnaściu.
«Absalutny bestseler — kniha «Naš prezident». Ludzi vystrojvalisia ŭ čarhu, kab jaje nabyć. Napeŭna, nikoli ŭ nas kniha nie pradavałasia takim vialikim nakładam za taki karotki čas. Heta važnaje, atmaśfiernaje i cikavaje vydańnie, tamu jaho z zadavalnieńniem nabyvajuć mnohija ludzi. Raniej lidaram rejtynhu samych pradavanych knih byli vydańni ź sieryi «Hienacyd biełaruskaha naroda». Papularnaściu karystajecca kniha «Simvały suvierennaj Biełarusi», — skazaŭ Uładzimir Matusievič.
Jon raskazaŭ, što vyklikajuć intares i knihi histaryčnaj tematyki. Tak, na Minskaj mižnarodnaj knižnaj vystavie-kirmašy była prezientavana kniha Ihara Marzaluka «Ad Rusi i Litvy da Biełarusi: vytoki i hieniezis biełaruskaha naroda».
«Zaraz taksama papularnyja knihi historyka-krajaznaŭčaha i historyka-kulturnaha źmiestu, naprykład, vydańnie «Tradycyjnaja kultura i pobyt biełarusaŭ». Intares jość i da kulinarnych tradycyj. Pra ich raspaviała kniha «Smak biełaruskaj historyi», jakaja była vydadziena na biełaruskaj, ruskaj i anhlijskaj movach. Faktyčna za dzieviać miesiacaŭ uvieś jaje nakład całkam razyšoŭsia», — raskazaŭ Uładzimir Matusievič.
Siarod mastackaj biełaruskamoŭnaj litaratury zastajecca popyt na niestarejučuju kłasiku. Lidaram rejtynhu zastajecca «Dzikaje palavańnie karala Stacha» Uładzimira Karatkieviča, «Paleskaja chronika» Ivana Mieleža, tvory Jakuba Kołasa, Janki Kupały, Maksima Bahdanoviča, Vasila Bykava.
«Heta tyja aŭtary, jakija supravadžajuć knižny praces, u tym liku handal, užo nie adzin dziasiatak hadoŭ», — padkreśliŭ hiendyrektar «Biełknihi».
A voś popyt na maładych biełaruskich aŭtaraŭ, pavodle jaho słoŭ, nievysoki
«Kali paraŭnoŭvać z kłasikaj, to popyt nie taki vialiki. Zusim maładym aŭtaram patrabujecca niejki čas, vialikaja miedyjnaja aktyŭnaść i rekłama dla taho, kab jany zamacavali svajo miesca jak na knižnym rynku, tak i ŭ litaraturnym pracesie, śviadomaści i popytam pakupnikoŭ. Chacia knihi takich užo viadomych aŭtaraŭ, jak Hanna Čyž-Litaš, Kaciaryna Chadasievič-Lisovaja, Aleś Badak i Aleś Karlukievič razychodziacca davoli niadrenna», — dadaŭ Uładzimir Matusievič.
-
«Mnie strašenna padabajucca kiepskija mužčyny». Śviatłana Kurs raspaviała, jak pisała svaju pieršuju knihu
-
«Ništo tak nie zaachvočvaje pisać, jak nuda». 50 hadoŭ tamu pamierła Ahata Kryści. Jak pisała heta hienijalnaja žančyna?
-
Biełaruska paluje na tradycyjnyja samatkanyja pościłki va ŭsioj krainie — pahladzicie, kolki ekspanataŭ jana ŭžo vykupiła ŭ babul FOTY
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»7
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary