Na minułym tydni ŭ Minsku vynieśli prysud trom palitviaźniam, jakich abvinavacili va «ŭdziele ŭ ekstremisckim farmavańni» (art. 361-1 Kryminalnaha kodeksa): Alaksandru Mazuru, Paŭłu Karaniuchinu i Alaksandru Łykšynu, piša «Viasna».
Sud pryznačyŭ Mazuru i Karaniuchinu try hady i šeść miesiacaŭ źniavoleńnia, a Łykšynu — try hady i siem miesiacaŭ pazbaŭleńnia voli va ŭmovach uzmocnienaha režymu. Taksama im pryznačyli pa 1000 bazavych vieličyniaŭ štrafu kožnamu.
Pa viersii KDB, mužčyny majuć dačynieńnie da inicyjatyvy «piśmo.bieł», jakuju pryznali «ekstremisckim farmavańniem» praź miesiac paśla zatrymańnia palitviaźniaŭ.
«Piśmo.bieł» — servis dla adpraŭki listoŭ źniavolenym, jakim karystalisia tysiačy biełarusaŭ. Inicyjatyva ŭ tym liku dapamahała biełarusam zastavacca na suviazi z palitźniavolenymi, niahledziačy na vymušanuju emihracyju. Pry hetym tolki 10% listoŭ išli palitviaźniam, u asnoŭnym servis byŭ raźličany na zvyčajnych asudžanych. Taksama karystalniki prymali ŭmovy resursu — nie parušać patrabavańni MUS i nie adpraŭlać zabaronienuju infarmacyju.
Spačatku, u listapadzie 2023 hoda, u Žodzinie byli zatrymanyja Ihar Vuhlik i Alaksandr Łykšyn, jakija nibyta źjaŭlalisia arhanizatarami servisu. Siłaviki tady paviedamili, što zmahli atrymać dostup da bazy zakazaŭ, płaciežnych źviestak, asabistych danych karystalnikaŭ i tekstaŭ listoŭ.
Ale, pa infarmacyi «Viasny», siłaviki nie zmahli atrymać dostup da servisu, a ŭsie asabistyja danyja tych, chto dasyłaje listy, zachoŭvajucca na pošcie. Pa vyniku ž u sakaviku 2023 hoda Ihara i Alaksandra asudzili da dvuch z pałovaj hadoŭ «chatniaj chimii».
Roŭna praz hod, u listapadzie 2024 hoda, Alaksandra Łykšyna znoŭ zatrymali. Razam ź im pa kryminalnaj spravie prachodzili taksama Alaksandr Mazur i Pavieł Karaniuchin. Adrazu paśla zatrymańnia mužčyn źjaviłasia infarmacyja pra pryznańnie sajta inicyjatyvy «piśmo.bieł», a taksama jaje staronak u sacsietkach «ekstremisckimi materyjałami». Užo napačatku śniežnia pierastaŭ adkryvacca sajt inicyjatyvy, jon niedasiažny ŭ Biełarusi i za miežami krainy.
12 śniežnia 2024 hoda KDB abnaviŭ śpis «ekstremisckich farmavańniaŭ», kudy trapiła i inicyjatyva «piśmo.beł». Pry hetym u rašeńni viedamstva paznačanyja listapadaŭskija daty. Da inicyjatyvy, pavodle KDB, dačynieńnie majuć Alaksandr Mazur, Siarhiej Antusievič, Pavieł Krasoŭski, Pavieł Karaniuchin, Alaksandr Łykšyn.
Viadoma, što spačatku Mazura, Karaniuchina i Łykšyna ŭtrymlivali na «sutkach» pavodle administracyjnych spravaŭ. Ale paźniej ich pieraviali ŭ śledčuju turmu № 8 u Žodzinie ŭ miežach kryminalnaj spravy. Ich abvinavacili pavodle art. 361-1 Kryminalnaha kodeksa (stvareńnie ekstremisckaha farmiravańnia abo ŭdzieł u im).
«HUBAZiK śpiecyjalna nahniataje situacyju, kab napałochać biełarusaŭ». Što ciapier budzie z servisam Piśmo.bieł i danymi tych, chto im karystaŭsia?
Pravaabaroncy paviedamlajuć, što siłaviki pajšli pa tych, chto piša listy padtrymki palitviaźniam
Doktara z Hrodna asudzili za «raspalvańnie varožaści» i «finansavańnie ekstremizmu»
Palitźniavolenaja madel Vieranika Žałuboŭskaja vyjšła na svabodu
Maładoha ajcišnika z Mahilova asudzili pa čatyroch palityčnych artykułach i adpravili ŭ kałoniju
Maładuju pradprymalnicu sa Słonima asudzili za ŭdzieł u pratestach
Kamientary